1Ath 5:12 - ÎVUKU RÎA ÛVORO MWARO

¹² Ariû na aarî a îthe wetû, tûramûthaitha mûvecage gîtîîo andû arîa marutaga wîra na vinya gatagatîrî kenyu. Acio nîo mamûtongoragia na mamûtaaraga ûvororî wîgiî mûtûûrîre wa Ûkristiano.

1Ath 5:12 ပူးပေါင်းရင်းမြစ်များ

Luka 10:7

Îkaragani mûciîrî ûcio mûkîrîcaga na mûkînyunyaga kîndû wa kîonthe kîrîa andû akuo makamûnengagîra, nîûndû mûthûkûmi nîwagîrîrwe kûvewa mûcara wake. Mûtikaûrûrage kuuma mûciîrî ûmwe nginya ûrîa wîngî.

Johana 4:38

Nie namûtûma mûthiî mûgakethe maciaro kuuma mûgûndarî ûrîa mue mûtaarutîra wîra. Andû engî nîo maaûrutîre wîra, namue mûragunîka kuumana na wîra wao.”

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Ciîko 20:35

Nie nînîmwonetie maûndûrî monthe atî wata ûrîa naarutaga wîra nîrî na kîîo kîîngî wa namue nwa nginya mwîkage guo nîguo mûtethagie andû arîa matarî na vinya. Nie nînîmwîrîte mûririkanage ciugo irîa Mwathani Jesû ke mwene aaugire atîrî, ‘Nîkwîthagîrwa kûrî na gîkeno makîria mûndû akîvecana gûkîra akîvewa.’ ”

Aroma 16:12

Kethiani Turufena na Turufosa, aka arîa marutaga wîra wa Mwathani na kîîo.

Aroma 16:6

Na mûkethie Mariamu, ûrîa wîthîrîtwe akîruta wîra gatagatîrî kenyu arî na kîîo mûno.

1Akor 12:28

Kanitharî Ngai nîathuurîte: amwe matuîke atûmwa, engî arathi, na kathatû akathuura arimû. Nîacokete akathuura aringi ciama; makarûmîrîrwa nî arîa mavetwe ûvoti wa kûvonania, arîa matethagia arîa engî, atongoria na arîa maragia na nthiomi.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 16:16

mwathîkagîre andû ta acio na mûndû wîngî wa wonthe ûrîa ûrutaga wîra na agatungata vamwe nao.

1Akor 16:18

Nîmatûmîte meciria makwa manogoke wa vamwe na menyu. Mue nîmwagîrîrwe nî kûthikagîrîria andû ta aya.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

2Akor 11:23

Nî ndungata cia Kristû? Nie nîraria ta mûndû wa ngoma. Nwatî nîrî ndungata mbaro kûmakîra. Nie nîndutîte wîra mûmû makîria yao. Naanaikua njeera maita meengî kûmakîra, nanarivwa na ivoko mûno kûmakîra na maita meengî nie nanethîrwa nîrî vakuvî gûkua.

2Akor 5:9

Makîria ya maûndû monthe twendaga gûkenia Mwathani wana ethîrwa tûrî mûciî gûkû nthî kana kûu îgûrû.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 4:11

Nîmûmakîtie mûno! Nwa gûtuîkîke atî wîra wakwa wonthe ûrîa naamûrutîre warî wa mana?

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

Afil 2:19

Ethîrwa nî kwenda kwa Mwathani, nîrerîgîrîra atî nîngûvota gûtûma Timotheo kûrî mue kavinda gatarî karaca, nîguo anyûmagîrîrie na ndûmîrîri kuuma kûrî mue.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

1Tim 5:1

Ndûkagûkie mûndû mûkûrû, nwatî mwarîrie ta ûrîa ûngîarîria aguo, nao anake ûmonage ta aa mûrwanyûkwe.

1Tim 5:20

Andû arîa mekaga mevia magîrîrwe nî gûkaanua marî mbere ya andû onthe nîguo andû arîa engî metigîre.

2Tim 2:6

Mûrîmi ûrîa ûrutaga wîra na kîîo nîke wagîrîrwe kûrîa maciaro ma mbere ma mûgûnda.

Tito 1:3

Ngai mûvonokia wetû nîwatûmire ûvoro ûyû ûmenyeke kavinda karîa kagîrîrîte na nîguo nîîvokeretwe na ngavewa watho wa kûûvunjia.

Tito 1:5

Tito, nie naagûtigire Kirete nîguo ûthondeke maûndû marîa maarî mavîtanu, na wa îtûûra, ûthuure athuuri a kanitha. Ririkana ûrîa naakwathire atî:

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

Ahib 13:7

Ririkanagani atongoria enyu a tene arîa maamûvunjîrie ndûmîrîri ya Ngai. Îcirieni ûrîa maatûûraga na mwîgerekanie nao.

Kûguû 1:20

Nayo nthitho ya njata icio mûgwanja irîa irî mwena wa ûrîo wa Ngai yonanagia njata mûgwanja nî araika arîa mûgwanja a makanitha marîa mûgwanja. Nayo mînyamû îrîa mûgwanja ya kwigîrîrwa taa nî makanitha marîa mûgwanja.

Kûguû 2:12

“Andîka kûrî mûraika wa kanitha ûrîa ûrî Perigamoni atîrî: “Îno nîyo ndûmîrîri kuuma kûrî ûrîa ûrî na rûviû rûûgî mîena yoîrî.

Kûguû 2:18

“Andîka kûrî mûraika wa kanitha ûrîa ûrî Thîatira atîrî: “Îno nîyo ndûmîrîri kuuma kûrî Mûriû wa Ngai, ûrîa ûrî na metho makanîte ta mwaki mûkengu mûno. Nacio nyarîrî ciake ikengaga ta cuuma ya gîcango.

Kûguû 2:3

Mue nîmûmîrîrîtie mûkirîrîrîtie, na mûkanyamarua nîûndû wakwa, na mûtirî mwandiganîria.

Kûguû 2:8

“Andîka kûrî mûraika wa kanitha ûrîa ûrî Simurina atîrî: “Îno nîyo ndûmîrîri kuuma kûrî ûrîa arî ke wa mbere na wa mûthiia, Ûrîa wakwire na akîriûka.

Kûguû 3:1

“Andîka kûrî mûraika wa kanitha ûrîa ûrî Saridi atîrî: “Îno nîyo ndûmîrîri kuuma kûrî ûrîa wathaga maroho mûgwanja ma Ngai na ûrîa ûnyitîte njata mûgwanja. Nie nîmbîcî ciîko cienyu. Nîmbîcî mwonekaga takwa mûrî mwoyo, nwatî mûrî akuû.

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.