1Ath 4:13 - ÎVUKU RÎA ÛVORO MWARO

¹³ Ariû na aarî a îthe wetû, nîtûkwenda mûmenye ûma wîgiî andû arîa makuîte, nîguo mûtikagîe na kîeva ta andû arîa matarî na kîîrîgîrîro.

1Ath 4:13 ပူးပေါင်းရင်းမြစ်များ

Kîam 37:35

Anake ake onthe vamwe na erîtu nîmaageririe kûmûmîrîria; nwatî Jakovu nîwaregire kûmîrîrua, na akiuga atîrî, “Nî kava ngue na nthiî kûrîa akuû mathiîcaga wa ngîcakaagîra mûvîcîwa.” Kwoguo Jakovu nîwathiîre na mbere gûcakaîra mûvîcî Josefu.

2Sam 18:33

Mûthamaki nîwamakire mûno. Nîwathiîre nyombarî îrîa yarî îgûrû rîa kîvingo na akîrîrîra Abusalomu. Aathiîre akîrîraga akiugaga atîrî, “Wûi mûvîcîwa! Mûvîcîwa Abusalomu! Wûi Abusalomu mûvîcîwa! Naarî kethîrwa nînie nîrakuire vandûrî vaku, mûvîcîwa! Abusalomu mûvîcîwa!”

1Atha 1:21

Warega gwîka ûguo, kavinda kanini vuva wa gûkua gwaku, mûvîcîwa Solomoni nanie tûgaatuwa acukanîrîri.”

1Atha 2:10

Daudi nîwakwire na akîthikwa îtûûrarî rînene rîa Daudi.

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Ezek 37:11

Nake Ngai nîwambîrire atîrî, “We mûndû, mavîndî mau nî andû onthe a Isiraeli. Maugaga atî nîaûmagaru, matirî na kîîrîgîrîro na nîathiru viû.

Danieli 12:2

Andû eengî arîa makethîrwa marî mbîrîrarî nî makaariûka, amwe magîe na mwoyo wa tene na tene, nao acio engî matûûre manyamarîkaga.

Alawi 19:28

kana mwîtemange mîîrî yenyu mûgîcakaîra mûndû arî mûkuû. Nie nînie Ngai-Mûnene.

Alawi 21:2

tiga nwa ethîrirwe arî kimba Kîam ûmwe wa mûciî wao: ng'ina, îthe, mwarî, mûvîcî, mûrwang'ina,

Mathaayo 27:52

Mbîrîra nîciavingûkire, na andû a Ngai eengî arîa maakuîte nîmaariûkirue;

Johana 11:24

Maritha nîwamûcokerie atîrî, “Nîmbîcî atî nîakaariûka mûthenya wa mûthiia.”

Ciîko 13:36

Vîndî îrîa Daudi aarî mwoyo, nîwavingirie wendi wa Ngai. Ke nîwacokire agîkua na akîthikwa, na mwîrî wake ûkîorera mbîrîrarî.

Ciîko 7:60

Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.

Ciîko 8:2

Nao etîkia amwe meetîkîtie Ngai mûno nîmaathikire Stefano makîmûrîragîra mûno.

Aroma 1:13

Ariû na aarî a Îthe wetû, nîngwenda mûmenye atî mavinda meengî nanavanga gûka kûrî mue nwatî ûndû ûkaga ûkandigîrîria. Mendaga gûka nîguo ndûme andû arîa engî matuîke arûmîrîri a Jesû Kristû wa ta ûrîa nekire kûrî andû a ndûrîrî.

1Akor 10:1

Ariû na aarî a îthe wetû nîrenda mûririkane maûndû marîa meekîkire kûrî methe metû ma tene arîa maarûmîrîre Musa. Onthe nîmaakunîkîrwe nî îtu na rîkîmagitîra na makîringa îria Îtune.

1Akor 12:1

Rîu ariû na aarî a îthe wetû, nîrenda mûtaûkîrwe nî ûvoro wîgiî iveo kuuma kûrî Roho Mûtheru.

1Akor 15:6

Kristû nîwacokire akiumîrîra etîkia makîria ya magana matano. Eengî gatagatîrî kao marî mwoyo, nwatî amwe nî akuû.

2Akor 1:8

Ariû na aarî a îthe wetû, tue nîtûkwenda mûmenye mathîna marîa twarî namo vûrûrirî wa Asia. Mîrigo îrîa tue twakuithîtue yarî mînene na mîrito nginya tûkîûrwa nî kîîrîgîrîro gîa ûtûûro.

Aefeso 2:12

Vîndî îo mûtiarî na Kristû. Mûtiarî a ngwatanîro ya andû arîa Ngai athuurîte na kwoguo mwarî ageni. Mûtiarî na vandû irîkanîrorî irîa ciaumanîte na ciîranîro cia Ngai kûrî andû ake. Mwatûûraga gûkû nthî îno mûtarî na mwîrîgîrîro na mûtarî na Ngai.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

1Ath 4:14

Nîtwîtîkîtie atî Jesû nîwakwire na akîriûka. Kwoguo nîtwîtîkîtie atî Ngai nî akaarete vamwe na Jesû andû arîa makuîte mamwîtîkîtie.

1Ath 4:15

Maûndû mama tûramûthomithia nî ndûmîrîri ya Mwathani, nîûndû tue arîa tûkethîrwa tûrî mwoyo rîrîa Mwathani agaaûka, tûtikaathiî mbere ya arîa maakuire.

1Ath 5:10

Jesû aakwire nîûndû wetû nîguo tûtûûrage vamwe nake, wana ethîrwa tûrî mwoyo kana tûrî akuû.

1Ath 5:6

Kwoguo tûtiagîrîrwe nî kwîthîrwa tûmamîte ta andû arîa engî, twagîrîrwe twîthagîrwe twîîguîte na tûterigîtwe.

2Pet 3:4

makiugaga atîrî, “Na kinthî ndaamwîrire nîagaaûka? Arî kû rîu? Nîûndû kuuma wa rîrîa methe metû ma tene maakwire, kwîthîrîtwe gwîkariî wa ta ûrîa gwekariî kuuma wa Kîammbîrîria gîa kûmbwa kwa nthî!”

2Pet 3:8

Nwatî arata akwa ende, mûtikariganîrwe nî ûndû ûyû ûmwe! Varî Mwathani mûthenya ûmwe nî ta mîaka ngiri îmwe, na mîaka ngiri îmwe nî ta mûthenya ûmwe.