1Ath 3:3 - ÎVUKU RÎA ÛVORO MWARO

³ nîguo gûtikagîe mûndû wana ûmwe wa cienyu ûgûcoka na vuva nîûndû wa mînyamaaro îno. Mue ene nîmwîcî atî mînyamaaro ta îo nî gîcunjî kîmwe Kîam wendi wa Ngai kûrî tue.

1Ath 3:3 ပူးပေါင်းရင်းမြစ်များ

Ayubu 23:14

Ke nîavingagia ûrîa amvangîrîte, na arî na mîvango mîîngî ta îo meciriarî make.

Thaburi 112:6

Mûndû ûrîa mûthingu ndakaavootwa; agaatûûra aririkanagwa tene na tene.

Luka 21:12

Nwatî mbere ya maûndû mama monthe mekîke, mue nîmûkaanyitwa na mûnyarirwe. Nîmûkaanenganîrwa nîguo mûcirithîrue mavoerorî na mwikue njeera na mûcoke mûvirwe mbere ya athamaki na aathani nîûndû wakwa.

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 2:25

Nîûndû Daudi nîwaririe ûvoro ûmwîgiî akiuga atîrî: ‘Nie nîmonaga Mwathani arî mbere yakwa mavinda monthe; ke arî vakuvî nanie na ndingîona thîna.

Ciîko 21:11

Nake nîwaûkire kûrî tue, agîoca mûcivi wa Paûlo, akîîova naguo njara ciake na magûrû, na akiuga atîrî, “Roho Mûtheru arauga atîrî: ‘Mwene mûcivi ûyû akoovwa wata ûguo nî Ayahudi arîa marî Jerusalemu na macoke mamûnenganîre kûrî andû a Ndûrîrî.’ ”

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

Ciîko 9:16

Na nie mwene nîngûmwonia ûrîa ke akathînua nîûndû wakwa.”

Aroma 5:3

Wana nîtûkenaga twona mathîna nîûndû nîtwîcî atî mathîna maretaga kûmîrîria,

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

1Akor 4:9

Nwatî nîrona atî Ngai nîatuigîte tue atûmwa tûrî mûthiia viû, wata andû matuîrîrîtwe kûragwa. Twîkariî ta kîrorerwa kûrî nthî yonthe ya araika na ya andû.

Aefeso 3:13

Kwoguo nîramûthaitha mûtigakue ngoro nîûndû wa mathîna marîa nîrona nîûndû wenyu. Nî magûtûma mûgîe na umithio.

Afil 1:28

Mûtigetigîre nthû cienyu. Îthagîrwani mûrî na ûmîrîru vingo cionthe. Mweka ûguo nîmûkwonia nthû cienyu atî itikaavootana, nwatî nîmûkaavootana nîûndû Ngai nîke ûtûmaga mûvootane.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

1Ath 5:9

Ngai ndaatûthuura nîguo atûverithie nîûndû wa kûmûrakaria, nwatî aatûthuurire nîguo tûgîe na ûvonokio na njîra ya Mwathani wetû Jesû Kristû.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.

2Tim 1:8

Ndûgaconoke rîrîa ûkumbûra Mwathani wetû, kana wîgue ûgîconoka nîûndû wakwa nie njovetwe nîûndû wa Kristû. Vandû va ûguo, nîwagîrîrwe nî kûgwatanîra nanie mînyamaarorî nîûndû wa ûvoro mwaro, nîûndû Ngai nîke ûtûvecaga vinya.

1Pet 2:21

Ûndû ûcio nîguo mwetîrwe. Kristû aathînirue nîûndû wenyu na akîmûtigîra kîonereria, nîguo wa namue mûrûmîrîre mîthiîre yake.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.