1Ath 3:10 - ÎVUKU RÎA ÛVORO MWARO

¹⁰ Mûthenya na ûtukû nîtûvoyaga na ngoro yetû yonthe nîguo atûvotithie twonane namue rîngî nîguo tûvote kûmûva kîrîa mûvatarîte wîtîkiorî wenyu.

1Ath 3:10 ပူးပေါင်းရင်းမြစ်များ

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Ciîko 26:7

Kîîranîro kîu nwakîo andû etû a mîvîrîga îrîa îkûmi na îîrî merîgagîrîra kûgîa nakîo vîndî îrîa makûgooca Ngai marî na kîîo ûtukû na mûthenya. Mûthamaki mûgathe, Ayahudi maranthitanga nîûndû nîrî na mwîrîgîrîro ûvororî wîgiî kîîranîro kîu!

2Akor 1:15

Nie nînaamenyete ûndû ûyû waro na nînathondekire mîvango ngaaûka nîmûcerere mbere, nîguo mûgîe na gîkeno maita maîrî.

2Akor 1:24

Tue tûtiramûringîrîria maûndû marîa mwagîrîrwe nî gwîtîkia; Nîtwîcî atî mûrî ekindîru wîtîkiorî wenyu, nwatî tûrutithanagia wîra namue nîguo mûkenage.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

2Akor 13:9

Tue nîtûkenaga rîrîa tûtarî na vinya namue mûrî na vinya. Kwoguo ûrîa tûvoyaga nî atî mûtuîke agîrîru.

Afil 1:25

Nîrî na ma ya ûndû ûyû na kwoguo nîmbîcî nî ngûtûûra mwoyo. Nîndûûrania namue muonthe, nîguo ndûmage mûthiî na mbere na mûgîe na gîkeno kîîngî wîtîkiorî wenyu,

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

1Ath 3:11

Ngai îthe wetû ke mwene, na Mwathani wetû Jesû arotûthondekera njîra nîguo tûke kûrî mue.

2Ath 1:11

Kîu nîkîo gîtûmaga tûmûvoere vingo cionthe. Nîtûvoyaga Ngai wetû nîguo amûtue agîrîru kûringana na ûrîa amwîtîte mûtûûre. Na njîra ya vinya wake, ke aratûma mûvingie maûndû monthe maro marîa mwîriragîria na mûvingie wîra wonthe ûrîa umanîte na wîtîkio wenyu.

2Tim 1:3

Nie nînjokagîria Ngai ngatho ûrîa ndungataga na thamiri itarî na ûcuke. Methe metû ma tene nwaguo meekaga. Nînjokagîria Ngai ngatho vîndî îrîa ngûkûririkana mavoyarî makwa thaa cionthe ûtukû na mûthenya.

File 1:22

Vamwe na ûguo, varîria nyomba îrîa nîngîkara, nîûndû nîrî na mwîrîgîrîro atî Ngai nîakwîgua mavoya menyu muonthe na nîakûmbîtîkîria mbûke kûrî mue.

Kûguû 4:8

Wa kîûmbe gatagatîrî ka icio inya ciarî mwoyo Kîamrî na mathagu matandatû na nîgîecûrîte metho kûndû kuonthe nja na ndaarî. Ûtukû na mûthenya nî cinaga itagûtigithîria ikiugaga atîrî: “Mûtheru, Mûtheru, Mûtheru, nî Mwathani Ngai mwene vinya wonthe, ûrîa warî kuo, ûrî kuo, na ûgaaûka.”

Kûguû 7:15

Kîu nîkîo gîtûmaga marûngame vau mbere ya gîtî Kîam Ûthamaki Kîam Ngai na mamûtungatîre ûtukû na mûthenya marî hekarûrî yake. Nake ûcio wîkarîrîte gîtî Kîam ûthamaki akaamagitagîra nîûndû akethagîrwa arî vamwe nao.

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.