1Ath 3:1 - ÎVUKU RÎA ÛVORO MWARO

¹ Kwoguo rîrîa twaremirwe nî kûmîrîria makîria, twatwire twîkare Athene tûrî tuenga,

1Ath 3:1 ပူးပေါင်းရင်းမြစ်များ

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Ciîko 17:15

Na andû arîa maaumagaririe Paûlo nîmaamûkinyirie Athene. Mbere ya andû acio macoke Berea nîmaathirwe nî Paûlo makeere Sailasi na Timotheo mathiî kûrî ke narua wata ûrîa mangîvota.

Ciîko 17:16

Na rîrîa Paûlo eetererete Sailasi na Timotheo kûu Athene, nîwarakarire mûno nîûndû wa kwona ûrîa îtûûra rîu rîecûrîte mîvuanano.

2Akor 2:13

Nwatî nînatangîkire nîûndû ndiona mûrwaiya Tito kuo. Kwoguo nînaugîre andû ûvoro kuo na ngîthiî Makedonia.

1Ath 2:17

Ariû na aarî a îthe wetû, wana ethîrwa gwa kavinda kanini nîtwatiganire namue mîîrî nwatî tî ngoro, nîtwendaga na tûkerirîria mûno kûmwona rîngî.

1Ath 3:5

Nîûndû wa ûguo rîrîa naaremirwe nî kûmîrîria makîria nînaatûmire Timotheo nîguo amenye ûvoro wîgiî wîtîkio wenyu. Nînetigagîra Ngoma ndakethîrwe nîwamûgeririe na wîra wetû wonthe wîthîrwe warî wa mana.