1Ath 2:8 - ÎVUKU RÎA ÛVORO MWARO

⁸ Nîûndû wa ûrîa twamwendete, twa ûvoro mwaro wa Ngai wonga twevarîrîtie kûgaana namue, nwatî twevarîrîtie kûgaana namue nginya mîoyo yetû. Twekire ûguo nîûndû wa kûmwenda.

1Ath 2:8 ပူးပေါင်းရင်းမြစ်များ

Luka 7:2

Vîndî îo mûnene ûmwe wa athigari îgana wa Kîîroma aarî na ndungata îmwe yake eendeete mûno. Na kavinda kau ndungata îo nîyarwarîte mûno îgakuvîvîria gûkua.

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

Aroma 10:1

Ariû na aarî a îthe wetû, wendi wa ngoro yakwa yonthe na mavoya makwa kûrî Ngai nî atî, andû etû mavonoke.

Aroma 15:29

Nie nîmbîcî atî rîrîa ngaûka kûrî mue, nîngaamûretera kîrathimo gîcûru kuuma kûrî Kristû.

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

Afil 1:8

Ngai nî mûira atî nîraria ûma vîndî îrîa nguga atî wendo wakwa kûrî mue wîthagîrwa umîte ngororî ya Jesû Kristû ke mwene.

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.

Afil 2:20

Timotheo nwake tu twîthagîrwa tûnyitanîrîte nake kîîmeciria, na nwake wenga ûmwîciragia.

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 1:7

Mwathomire ûvoro wîgiî wega wa Ngai kuuma kûrî Epafara, ndungata îrîa twendete na tûrutithanagia wîra nayo. Ke ethagîrwa arî mwîvokeku rîrîa araruta wîra wa Kristû vandûrî vetû.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

File 1:1

Kuuma kûrî nie Paûlo, mûndû wovetwe njeera nîûndû wa Jesû Kristû, tûrî na Timotheo, mûriû wa Îthe wetû. Kûrî we Filemona, mûrata wetû ûrîa tûrutithanagia wîra nake,

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.