1Ath 2:5 - ÎVUKU RÎA ÛVORO MWARO

⁵ Mue nîmwîcî atî tîkwa twîyendithagia na njîra ya kûmûva ndeto cia maveeni wana tûtitûmagîra ciugo cia gûkunîkîra ûkoroku. Ngai nî mûira wetû!

1Ath 2:5 ပူးပေါင်းရင်းမြစ်များ

Ayubu 16:19

Nîmbicî mûira wakwa arî matuurî, mûnjirîrîri arî îgûrû.

Ayubu 17:5

Mûndû ûrîa ûcukanagîrîra arata ake nîûndû wa mbeca, ciana ciake nîcio icokaga kwona thîna.

Nthi 20:19

Mûndû wa njukû ndaigaga nthitho, kwoguo ndûkanyitanîre na mûndû ûrîa waragia ûrimû.

Nthi 26:28

Mûndû ûrîa ûveenagia mûndû ûrîa wîngî nîamûmenete, na mîario ya kînyûrûri nî ya gûcûkangia.

Nthi 28:23

Ûngîruta ûrîa wîngî mavîtia vandû va kûmûnyûrûria, vuvarî nîakenaga.

Isaia 30:10

Meraga oni maûndû atîrî, ‘Tigani kwona maûndû.’ Na makeera arathi atîrî, ‘Mûtigatûrathîre maûndû marîa magîrîru, twaragîrieni maûndû marîa maro, na mûrathage maûndû ma maveeni.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

Aroma 1:9

Nake Ngai ûrîa ndungatagîra na ngoro yakwa yonthe na njîra ya kûvunjia Ûvoro Mwaro wa mûrû wake nî mûira atî nînîmûririkanaga

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Aroma 9:1

Nie nîraria ûma nîrî ndaarî ya Kristû. Thamiri yakwa îrîa yathagwa nî Roho Mûtheru nî mûira wakwa atî ndirathaana.

2Akor 12:17

Anga nînaamûveenirie kûvîtûkîra kûrî mûnjaama wana ûmwe wa arîa naatûmire kûrî mue?

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

2Akor 7:2

Tûvingûrîreni ngoro cienyu. Tue tûtivîtîrîtie mûndû, tûticûkîtie mûndû, kana tûkaveenia mûndû wana ûrîkû.

Agal 1:20

Maûndû mama nîramwîra nîma ma na Ngai nî mûira atî ndiraria maveeni.

1Ath 2:10

Mue mûrî aira wana Ngai nî mûira wetû atî rîrîa twarî namue, mue arîa mwîtîkîtie twarî na mîtugo mîaro na îtaarî na ûcuke.

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

1Tim 3:8

Atungati a kanitha wa nao, nwa nginya methagîrwe marî na mîtugo mîaro na marî evokeku. Matiagîrîrwe nî kûnyua ndivei nyîngî kana gûkorokera mbeca.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.