1Ath 2:2 - ÎVUKU RÎA ÛVORO MWARO

² Mbere ya gûka nîmwîcî ûrîa twanyaririrwe na tûkîrumwa tûrî Filipi. Nwatî wana gûtuîka nîtwakararirue mûno, Ngai wetû nîwatûvere ûmîrîru wa kûmûvunjîria ûvoro wake mwaro.

1Ath 2:2 ပူးပေါင်းရင်းမြစ်များ

Ciîko 14:3

Nao Paûlo na Baranaba nîmeekarire kûu Ikonia îvinda îraca na makîvecana ûira wa Mwathani maûmîrîrîtie. Nake Mwathani nîwonanirie atî ndûmîrîri yao îgiî wega wake yarî ya ma. Ke eekire ûguo na njîra ya kûmava ûvoti wa kûringa ciama na kwonania morirû.

Ciîko 14:5

Nao andû a ndûrîrî amwe na Ayahudi, vamwe na atongoria ao, nîmaavangire mathînie Paûlo na Baranaba na mamaûrage na njîra ya kûmariva na mathiga.

Ciîko 16:12

Twauma kûu nîtwathiîre tûrî nthî nyûmû tûgîkinya Filipi, îtûûra rîrîa rîathagwa nî Aaroma na rîarî rînene kûu vûrûrirî wa Makedonia. Natue nîtwekarire kûu kwa îvinda rîa mîthenya mîîngî.

Ciîko 16:19

Nwatî vîndî îrîa ene mwîrîtu ûcio maamenyire atî mwîrîgîrîro wao wa kûgîa na umithio nîwathira, nîmaanyitire Paûlo na Sailasi na makîmakururia makîmavira kûrî anene thokorî.

Ciîko 16:37

Nwatî Paûlo nîwerire athigari acio atîrî, “O maratûrivire na ivoko andû onthe maroretie, na tûtatuîrîrîtwe atî nîtwîkîte naaî, na tue tûrî Aaroma! O nîmaracokire matuikia njeera, na rîu marenda gûtûrekereria na nthitho. Ûguo tîkûvoteka! Tiga maûke marî o matûrekererie.”

Ciîko 17:1

Nao Paûlo na Sailasi nîmaavîtîkîrîre Amufipolisi na Apolonia na magîkinya Thesalonike kûrîa kwarî na îvoero rîa Ayahudi.

Ciîko 17:17

Kwoguo arî îvoerorî nîwaranîrie na Ayahudi na andû a ndûrîrî arîa meetîkîtie Ngai mûno. Na wa mûthenya wa mûthenya ke nîwaranagîria na andû arîa methagîrwa marî kûu thokorî.

Ciîko 19:8

Na kwa îvinda rîa mîeri îthatû, Paûlo nîwathiîcaga îvoerorî na akavecanaga ûvoro arî na ûmîrîru. Nîwaranagîria na Ayahudi na akageragia kûmeguithia nîguo metîkîre maûndû marîa ke aaragia megiî Ûthamaki wa Ngai.

Ciîko 4:13

Nao athuuri a Kîamma nîmaamakire moona ûrîa Petero na Johana maaûmîrîrîtie. Nîmaamenyire atî o maarî andû mataarî ngûrani na andû arîa engî na matiarî athomu. Kwoguo nîmaamenyire atî Petero na Johana nîmaatûûranîtie na Jesû.

Ciîko 4:20

Nîûndû tue tûtingîtiga kwaria ûvoro wîgiî maûndû marîa twonete na twîguîte.”

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

2Akor 3:12

Na nîûndû tue tûrî na Kîîrîgîrîro gîkî, tûrî na ûmîrîru mwîngî.

Akol 2:1

Nie nîrenda mûmenye ûrîa ndutîte wîra mûmû nîûndû wenyu na nîûndû wa andû a îtûûra rîa Laodikia na nîûndû wa andû arîa engî onthe mataanamona.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.