1Ath 2:17 - ÎVUKU RÎA ÛVORO MWARO

¹⁷ Ariû na aarî a îthe wetû, wana ethîrwa gwa kavinda kanini nîtwatiganire namue mîîrî nwatî tî ngoro, nîtwendaga na tûkerirîria mûno kûmwona rîngî.

1Ath 2:17 ပူးပေါင်းရင်းမြစ်များ

Kîam 31:30

Nîmbicî wathiîre nîûndû nîwegucaga wîrirîrîtie mûno gûcoka kwenyu. Nwatî waîire ngai ciakwa nîkî?”

Kîam 45:28

Kwoguo Isiraeli nîwaugire atîrî, “Nî ûguo rîu! Ethîrwa mûvîcîwa arî wa mwoyo, nwanginya nthiî ngamwone mbere ya ngua.”

Kîam 48:11

Jakovu nîwerire Josefu atîrî, “Ndieciragia atî nîngaakwona rîngî, nwatî Ngai nîatûmîte mona nginya ciana ciaku.”

2Sam 13:39

Nwatî rîrîa Daudi aathirirwe nî kîeva gîa gîkuû Kîam Amunoni, nîwerirîrie kwona mûvîcî Abusalomu.

2Atha 5:26

Nwatî Elisha nîwerire Gehazi atîrî, “Kinthî tûtirarî nawe kîîroho rîrîa mûndûmûrûme aumire gîkaarirî gîake Kîam mbaara na agûtûnga? Kau nîko kararî kavinda ga kwamûkîra mbeca, nguo, mîgûnda ya mîtamaiyû îrîa îciaraga matunda na ya mîthavibu, ng'ondu na ndegwa wana kana ndungata cia aka na cia arûme?

Thaburi 63:1

We Ngai, nîwe Ngai wakwa, na nîrakwîrirîria na ngoro yakwa. Mwîrî wakwa wonthe nîûrakwîrirîria ta mûndû mûnyondu; ngûnyondete ta nthî nyûmû îtarî na manjî.

Luka 12:58

Mûndû angîkûthitanga, amba ûgerie wa ûrîa ûngîvota mwîgucane nake mbere ya mûgakinya îgootirî. Warega gwîka ûguo, mûndû ûcio nîagûkûvira kûrî mûcirithania, nake mûcirithania akûnenganîre kûrî athigari nao makûvingîre njeera.

Luka 22:15

Nake Jesû nîwamerire atîrî, “Nie nîrendete mûno tûrîcanîre namue irio ino cia pasaka mbere ya nthînue.

Ciîko 17:10

Na gwatuka wa rîo, etîkia nîmaatûmire Paûlo na Sailasi mathiî Berea Na rîrîa maakinyire nîmaatonyire îvoerorî.

Aroma 1:13

Ariû na aarî a Îthe wetû, nîngwenda mûmenye atî mavinda meengî nanavanga gûka kûrî mue nwatî ûndû ûkaga ûkandigîrîria. Mendaga gûka nîguo ndûme andû arîa engî matuîke arûmîrîri a Jesû Kristû wa ta ûrîa nekire kûrî andû a ndûrîrî.

Aroma 15:23

Nwatî rîu nîndîkîtie wîra wakwa wonthe gîcunjîrî gîkî. Na nîûndû vandû va mîaka mîngî mbîthîrîtwe ngîenda gûka kûmwona,

1Akor 5:3

Nie ndirî vamwe namue kîîmwîrî, nwatî nîrî vamwe namue kîîroho. Na nîndîkîtie gûtuîra mûndû ûrîa wîkîte ûguo wa takwa nîrî vamwe namue.

Akol 2:5

Nîûndû wana ethîrwa tûtirî vamwe kîîmwîrî, tûrî vamwe kîîroho na nîreciria ûrîa mûngîtetheka. Nîngenete nî kwona mûvango wenyu mwaro na ûrîa mûtwîre mwîtîkîtie Kristû mwîkindîrîtie.

1Ath 3:6

Nwatî rîu Timotheo nîacokete aumîte kûrî mue na nîaratûveere ndeto mbaro ciîgiî wîtîkio na wendo wenyu. Nîatwîrîte atî vingo cionthe nîmûtûririkanaga na njîra mbaro na atî nîmwendaga mûno gûtwona wata ûrîa wa natue twendaga mûno kûmwona.