1Ath 2:16 - ÎVUKU RÎA ÛVORO MWARO

¹⁶ Wana nîmaageragia gûtûgiria tûtikavunjîrie andû a ndûrîrî ndûmîrîri îrîa îngîtûma mavonoke. Na njîra îno nîmarîkîtie gûkinya mûthiia wa mevia marîa matwîre mekaga. Namo marakara ma Ngai nîmakinyîte kûrî o.

1Ath 2:16 ပူးပေါင်းရင်းမြစ်များ

Kîam 15:16

Njiarwa ciaku igaacooka gûkû irî rûciarorî rwa kana, na ndikeengata Aamori arîa matûûraga vûrûrirî ûyû nîûndû îvinda rîao rîa kûverithua rîtikethîrwa rîrî rîkinyu.”

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Danieli 8:23

“ ‘Rîrîa mavinda ma mûthiia ma mothamaki mau magaakuvîvîria na makethîrwa mevîtie magatûra gacere, nî gûkaagîa na mûthamaki mûmîrîru, mwaganu na mûthaani.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Malaki 4:5

“Taroria, mbere ya mûthenya ûcio mûnene na wa kûmakania ûkinye nîngaatûma mûrathi Elija.

Mathaayo 12:45

Ngoma îo nîîthiîcaga îkagîra ngoma ciîngî mûgwanja njûku kûmîkîra, nacio igaûka igatûûra kûu. Nake mûndû ûcio nîacûkagîrwa mûno makîria ya ûrîa eekariî mbere. Ûguo nîguo mue andû a rûciaro rûrû rûcûku mûkeethîrwa mwîkariî.”

Mathaayo 23:32

Thiîni mbere vi na mûrîkie wîra ûrîa wambîrîrue nî methe menyu!

Mathaayo 24:14

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Mathaayo 24:6

Mue nîmûkegua mûrurumo wa mbaara vakuvî na mue, na wa mbaara îrîa îrî kûraca, nwatî mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Maariko 16:16

Na mûndû wa wonthe ûgeetîkagia na avatithue nîakaavonoka. Nwatî mûndû wa wonthe ûtageetîkagia, nîagaatuîrwa Mûthenya wa Îtuîro.

Ciîko 13:45

Na rîrîa Ayahudi moonire kîrîndî, nîmecûrirwe nî wîru, magîkararia maûndû marîa Paûlo aaragia, na makîmûruma.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 14:2

Nwatî Ayahudi amwe arîa maaregete gwîtîkia nîmaaunjugire andû a ndûrîrî na makîmaringîrîra mamene etîkia.

Ciîko 14:5

Nao andû a ndûrîrî amwe na Ayahudi, vamwe na atongoria ao, nîmaavangire mathînie Paûlo na Baranaba na mamaûrage na njîra ya kûmariva na mathiga.

Ciîko 17:13

Nwatî Ayahudi arîa maarî Thesalonike nîmaamenyire atî Paûlo nîwavunjagia kiugo Kîam Ngai wana Berea. Na kwoguo nîmaathiîre kuo, makiunjuga kîrîndî na gûkîgîa gacagaca.

Ciîko 19:9

Nwatî Ayahudi amwe nîmaaûmirie ngoro ciao makîrega gwîtîkia na magîcambîrîria Njîra ya Mwathani andû onthe makîgucaga. Kwoguo Paûlo nîwamatigire, agîoca arutwa makîthiî nao nyombarî ya kûthomithîria andû ya mûndû wetagwa Tairano. Na wa mûthenya wa mûthenya Paûlo nîwaranagîria na andû kuo

Ciîko 21:21

O nîmerîtwe atî we nîûrathomithia Ayahudi arîa matûûraga mavûrûrirî ma andû a ndûrîrî matiganîrie Watho wa Musa. Na nîmeguîte atî nîûrera Ayahudi acio matikaruithie ciana ciao na matikathîkîre mîtugo ya Kîyahudi.

Ciîko 23:12

Rîrîa gwakeere, Ayahudi nîmaathondekire mûvango wa ûrîa makûûraga Paûlo. Nîmaacokire makîîvîta atî matingîrîa kana manyue kîndû matambîte kûûraga Paûlo.

Ciîko 24:9

Ayahudi acio engî wa nao nîmaathitangire Paûlo na makiuga atî maûndû mau monthe maarî ma ma.

Ciîko 25:2

Anene a athînjîri-Ngai na atongoria a Ayahudi nîmaathitangire Paûlo kûrî Fesito. Nao nîmaathaithire Fesito makîmûûria

Ciîko 25:7

Rîrîa Paûlo aakinyire, Ayahudi arîa maanyûrûrûkîte kuuma Jerusalemu nîmaarûngamire mamûthiûrûrûkîrîtie na makîambîrîria kûmûthitanga na maûndû meengî macûku marîa mataavota kwonania ûma wamo.

Ciîko 4:12

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

Ciîko 9:23

Nayo mîthenya mîîngî yarîkia kûvîtûka, Ayahudi amwe nîmaacemanirie na makîvanga maûrage Saûlo.

1Akor 10:33

Îkagani wata ûrîa nie mbîkaga. Nîngeragia gûkenia andû onthe maûndûrî monthe marîa mbîkaga. Ngîka ûguo, ndiîthagîrwa ngîcaria ûrîa nîngîîguna nie mwene, nwatî mbîthagîrwa ngîcaria ûrîa nîngîguna andû onthe nîguo mavote kûvonoka.

Agal 5:11

Ariû na aarî a îthe wetû, ethîrwa nwa mvunjagia atî nî waro kûrua, nîkî kîratûma nyarirwe? Ethîrwa ûvoro ûcio nî wa ma, maûndû marîa mvunjagia megiî mûtharava wa Kristû matingîrete thîna.

Aefeso 3:13

Kwoguo nîramûthaitha mûtigakue ngoro nîûndû wa mathîna marîa nîrona nîûndû wenyu. Nî magûtûma mûgîe na umithio.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

2Ath 2:10

Nîagaatûmîra waganu wa mîthemba yonthe nîguo aveenie andû arîa makaathirua. Magaakua nîûndû nîmaaregire kwamûkîra na kwenda ûma nîguo mavonokue.

1Tim 2:4

ûrîa wendaga andû onthe mavonoke na mamenye ûvoro wa ma.

Ahib 6:8

Nwatî mûgûnda ûcio ûngîmera mîgua na ria, nî wa mana na wavota kûrumwa nî Ngai na ûkavîvua na mwaki.

Kûguû 22:11

Kwoguo ûrîa wîkaga naaî nî athiî na mbere gwîka naaî, nake ûrîa mwaganu nî athiî na mbere kwagana. Mûndû ûrîa mwaro nî athiî na mbere gûtuîka mwaro, nake ûrîa mûtheru nî athiî na mbere gûtuîka mûtheru.”