1Ath 2:14 - ÎVUKU RÎA ÛVORO MWARO

¹⁴ Ariû na aarî a îthe wetû, mathîna marîa mwonire nwa ta marîa moonirwe nî etîkia a Jesû Kristû a makanitha ma Ngai ma Judea. Mwanyaririrwe nî andû enyu wata ûrîa maanyaririrwe nî Ayahudi,

1Ath 2:14 ပူးပေါင်းရင်းမြစ်များ

Ciîko 11:19

Nao etîkia nîmaanyaganirie nîûndû wa kûnyariirwa kûrîa kwagîîre kuo vîndî îrîa Stefano aarîkirie kûûragwa. Amwe gatagatîrî kao nîmaathiîre nginya magîkinya Foenike, Kuporo na Antiokia. Nao maathiîre kûu kuonthe makîvunjagia ndûmîrîri kûrî Ayahudi onga.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 14:2

Nwatî Ayahudi amwe arîa maaregete gwîtîkia nîmaaunjugire andû a ndûrîrî na makîmaringîrîra mamene etîkia.

Ciîko 14:4

Nao andû a îtûûra rîu nîmaagaûkanire. Amwe nîmeetîkanirie na Ayahudi, na acio engî magîtîkania na atûmwa.

Ciîko 14:5

Nao andû a ndûrîrî amwe na Ayahudi, vamwe na atongoria ao, nîmaavangire mathînie Paûlo na Baranaba na mamaûrage na njîra ya kûmariva na mathiga.

Ciîko 17:13

Nwatî Ayahudi arîa maarî Thesalonike nîmaamenyire atî Paûlo nîwavunjagia kiugo Kîam Ngai wana Berea. Na kwoguo nîmaathiîre kuo, makiunjuga kîrîndî na gûkîgîa gacagaca.

Ciîko 18:12

Na vîndî îrîa Galio aatwirwe mwarîrîria wa Akaia, Ayahudi marî vamwe nîmaanyitire Paûlo, makîmûvira Kîammarî,

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

Ciîko 8:3

Nwatî Saûlo nîwageririe kûthiria kanitha. Nake nîwathiîcaga agîtonyaga nyomba wa nyomba akîrutûrûraga etîkia, arûme na aka na agatûmaga mavingîrwe njeera.

Ciîko 9:1

Nwatî kavindarî wa kau Saûlo nîwekaraga akîvavûraga arûmîrîri a Mwathani, akiuga atî nîakûmaûraga. Kwoguo nîwathiîre kûrî Mûthînjîri-Ngai ûrîa mûnene,

Ciîko 9:13

Nwatî Anania nîwacokirie atîrî, “Mwathani, andû eengî nîmambîrîte ûvoro wîgiî mûndû ûcio, na wîgiî maûndû monthe macûku marîa ke ekîte andû aku atheru arîa marî kûu Jerusalemu.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

1Akor 10:32

Tûûrani na njîra îtangîtûma kûgîa na thîna kûrî Ayahudi kana Angiriki kana kanitha wa Ngai.

1Akor 7:17

Mûndû wa wonthe gatagatîrî kenyu agîrîrwe nî gwîkara kûringana na wîra ûrîa Mwathani aamûveere na wa ûrîa Ngai aamwîtire ekariî. Ûguo nîguo mbathanîte makanitharî monthe.

Agal 1:22

Vîndî îo andû a makanitha ma Judea matiambîcî.

1Ath 1:1

Nie Paûlo, Sailasi, na Timotheo, nîtwamwandîkîra mue kanitha wa Thesalonike. Andû aya nî a Ngai Îthe wetû na Mwathani Jesû Kristû. Mûrogîa na wega na thayû.

1Ath 1:6

Nîmwegerekanirie natue na mûkîîgerekania na Mwathani. Nwatî wana ethîrwa nîmwathînîkire mûno, nîmwamûkîre ndûmîrîri îo mûrî na gîkeno kîrîa kiumaga kûrî Roho Mûtheru.

1Ath 3:4

Nîûndû rîrîa twarî namue nîtwekaraga tûkîmwîraga atî tuonthe nwanginya tûnyamarue wa ta ûrîa mwîcî atî nîguo gwekîkire.

2Ath 1:1

Kuuma kûrî tue Paûlo, Sailasi na Timotheo. Kûrî andû a kanitha ûrîa ûrî Thesalonike. Andû aya nî a Ngai îthe wetû na Mwathani wetû Jesû Kristû.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.