1Ath 2:13 - ÎVUKU RÎA ÛVORO MWARO

¹³ Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Ath 2:13 ပူးပေါင်းရင်းမြစ်များ

Jeremia 44:16

“Tue tîtûthikîrîria ndûmîrîri îo watûva kuuma kûrî Ngai-Mûnene.

Hagai 1:12

Zerubabeli mûvîcî wa Shealitieli, na Joshua mûvîcî wa Jehozadaki, mûthînjîri-Ngai mûnene, na andû acio engî onthe nîmeetîkîre mûgambo wa Ngai-Mûnene Ngai wao, na ciugo cia mûrathi Hagai, wata ûrîa Ngai-Mûnene Ngai wao aamûtûmîte, nao andû nîmeetigîre Ngai-Mûnene.

Mathaayo 10:20

Nîûndû ciugo irîa mûkaaria itikeethîrwa irî cienyu, ikeethîrwa ciumanîte na Roho wa Îthe wenyu, ûrîa ûkeethîrwa akîaria na njîra yenyu.

Mathaayo 10:40

“Mûndû wa wonthe ûmûgwataga ûgeni nînie agwataga ûgeni; na mûndû wa wonthe ûngwataga ûgeni agwataga ûgeni ûrîa wandûmire.

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Luka 5:1

Mûthenya ûmwe, Jesû nîwarûngamîte rûtererî rwa îria rîa Genesareti. Nao andû nîmaamûvatîkîte makîenda kwîgua ndûmîrîri ya Ngai.

Luka 8:11

“Ngerekano îo yendaga kwonania atî: mbeû icio nî ndûmîrîri ya Ngai.

Luka 8:21

Nake Jesû nîwerire andû acio onthe atîrî, “Nyanya na aa mûrwaiya nî andû arîa megucaga na makathîkîra ndûmîrîri ya Ngai.”

Johana 15:3

Mue nîmûrîkîtie kûtherua nî ciugo icio namwîra.

Johana 17:17

Mamûre matuîke aku ûvororî wa ma. Ciugo ciaku nî cia ma.

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Ciîko 10:33

Kwoguo nînaagûtûmanîre rîmwe, na we nîweka waro mûno nîûndû nîwaûka. Rîu tue tuonthe tûrî ava mbere ya Ngai tûthikîrîrîtie wa ûrîa wonthe we ûgûtwîra wathîtwe nî Mwathani.”

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Ciîko 16:14

Nake ûmwe wa arîa maatûthikîrîrie aarî mûndûmûka wetagwa Lîdia, warî wa kuuma îtûûrarî rîa Thîatira na warî mwendia wa nguo ciarî na rangi ya njambarawe. Ke aarî mûgooci Ngai, na Mwathani nîwavingûrire ngoro yake agîtûma îgue îkîenda kûthikîrîria maûndû marîa Paûlo aaragia.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Ciîko 17:32

Na rîrîa andû meegwire Paûlo akîaria ûvoro wîgiî kûriûka, amwe gatagatîrî kao nîmaamûnyûrûririe, nwatî arîa engî makîmwîra atîrî, “Tue nîtûrenda gûkeegua ûkîaria ûvoro wîgiî ûndû ûcio rîngî.”

Ciîko 2:41

Kwoguo andû arîa metîkîîre ndûmîrîri îrîa Petero aamaveere, nîmaavatithirue. Mûthenya ûcio andû ngiri ta ithatû nîmoongererekire gîkundirî Kîam etîkia.

Ciîko 8:14

Nao atûmwa arîa maarî Jerusalemu nîmegwire atî andû a Samaria nîmaamûkîrîte kiugo Kîam Ngai. Kwoguo atûmwa acio nîmaatûmire Petero na Johana kûrî o.

Aroma 10:17

Kwoguo wîtîkio umanaga na kwîgua ûvoro mwaro, naguo Ûvoro Mwaro umanaga na kûvunjia ûvoro wîgiî Kristû.

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

Agal 4:14

Wana ethîrwa nîmwagîre na mathîna meengî nîûndû naarî mûrwaru, mûtiamena kana mûndiga. Nîmwanyamûkîre wata ûrîa mûngîamûkîra mûraika wa Ngai, kana ta Jesû Kristû ke mwene.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

Ahib 4:12

Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.

Ahib 4:2

Nîûndû nîtwavunjîrue Ûvoro Mwaro wata ûrîa andû arîa maarî werûrî maavunjîrue. Nwatî ndûmîrîri îo meeguire ndîamatethia, nîûndû maamîamûkîre matarî na wîtîkio.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

1Pet 1:23

Nîûndû na njîra ya kiugo Kîam Ngai kîrîa kîrî mwoyo nîmûciarîtwe rîngî ta ciana cia mûciari ûrîa ûtakucaga, nwatî atûûraga tene na tene.

1Pet 1:25

nwatî kiugo Kîam Mwathani nîgîtûûraga tene na tene.” Kiugo gîkî nîguo Ûvoro Mwaro ûrîa wavunjirue kûrî mue.

1Pet 2:2

Tuîkagani ta tûkenge. Vîndî cionthe nyondagîrani îriia rîrîa rîtheru rîa Kîîroho nîguo mwarînyua mûkûre na mûvonokue.

2Pet 3:2

Nîrenda mûririkane ciugo irîa ciarirue tene mûno nî arathi arîa atheru na rîathani rîrîa mwaveerwe nî atûmwa enyu riumîte kûrî Mwathani na Mûvonokia.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.