1Ath 1:9 - ÎVUKU RÎA ÛVORO MWARO

⁹ Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

1Ath 1:9 ပူးပေါင်းရင်းမြစ်များ

Thaburi 42:2

Nînyonderete Ngai, Ngai ûrîa ûtûûraga mwoyo. Ngaakinya gwake rî mone ûthiû wake?

Thaburi 84:2

Nînîrerirîria gûtûûra hekarûrî ya Ngai-Mûnene. Ngoro na mwîrî wakwa wonthe nîcinagîra Ngai ûrîa ûtûûraga mwoyo ikenete.

Isaia 37:17

Vingûra metho maku, we Ngai-Mûnene, na wone; tega gûtû gwaku, we Ngai-Mûnene, na wîgue ciugo cionthe irîa Senakeribu atûmanîte cia kûruma Ngai ûrîa ûtûûraga mwoyo.

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Aroma 9:26

Na vandû varîa meerîrwe atî, ‘Mue tîmue andû akwa,’ vandû wa vau nwa vo mageetîrwa, ‘Ariû a Ngai ûrîa ûtûûraga mwoyo.’ ”

1Akor 12:2

Mue nîmwîcî ûrîa mwatûûraga vîndî îrîa mûtaarî atuîku etîkia. Nîmwavîtithagua na njîra nyîngî nîguo atî mûgoocage mîvuanano îtarî mwoyo.

Gûco 5:26

Kûrî mûndû wanegua mûgambo wa Ngai ûrîa ûtûûraga mwoyo akîaria arî mwakirî ta ûrîa twîguîte na agatûûra mwoyo?

1Ath 2:1

Ariû na Aarî a îthe wetû, mue nîmwîcî atî gûka gwetû kûrî mue gûtiarî kwa mana.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Tim 4:10

Ûvoro ûyû nîguo ûtûmaga tûthînîke na tûrute wîra na vinya, nîûndû tûrî na kîîrîgîrîro kûrî Ngai mûtûûra mwoyo ûrîa arî ke Mûvonokia wa andû onthe na makîria arîa metîkîtie.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.

1Joh 5:21

Ciana ciakwa, reganani na ngai cia maveeni!

Kûguû 17:2

Athamaki a nthî nîmatharîtie nake. Nao andû a nthî nîmaatuîkire mîrîu ya ûtharia.”

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.