1Ath 1:8 - ÎVUKU RÎA ÛVORO MWARO

⁸ Ndûmîrîri ya Mwathani îrîa yumîte kûrî mue ndîtambîte Makedonia na Akaia kuonga, nwatî ûvoro wîgiî ûrîa mwîtîkîtie Ngai nîûtambîte kûndû kuonthe. Kwoguo gûtirî vata wa kuga wa naarî ûndû.

1Ath 1:8 ပူးပေါင်းရင်းမြစ်များ

Ntha 18:9

Vîndî îrîa Jethiro eegwire ûrîa Ngai-Mûnene eekîte maûndû maro kûrî andû a Isiraeli akîmavonokia kuuma kûrî andû a Misiri nîwakenire.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Isaia 66:19

na nîngaamonia rûûri rwa vinya wakwa gatagatîrî kao. “Nwatî arîa magaatigara nîngaamatûma mathiî mavûrûrirî ma kûraca; namo nî: Tarishishi, Lîbia, na Lîdia (kûrîa kûrî andû maicîkene na gûtûmîra ûta na mîguî mûno.) Wana nîngaamatûma mathiî mavûrûrirî ma Tubali na Ngiriki, wana mavûrûrirî ma kûraca marîa marî vakuvî na îria, marîa matanegua ngumo ya rîîtwa rîakwa wana kana moona riiri wakwa. Andû acio akwa nîmakaanîrîra ûvoro wa riiri wakwa mavûrûrirî mau monthe.

Ciîko 18:12

Na vîndî îrîa Galio aatwirwe mwarîrîria wa Akaia, Ayahudi marî vamwe nîmaanyitire Paûlo, makîmûvira Kîammarî,

Aroma 1:8

Ûndû wa mbere nie nîngûcokia Ngatho kûrî Ngai na njîra ya Jesû Kristû nîûndû wenyu muonthe. Nîûndû ûvoro wîgiî wîtîkio wenyu nîwîgucagwa nî andû onthe a nthî.

Aroma 15:26

Nîûndû etîkia arîa marî Makedonia na Akaia nîmarutîte indo ciao matakûringîrîrua nîguo matethie andû a Ngai arîa athîni kûu Jerusalemu.

Aroma 16:19

Etîkia onthe nîmamenyete atî nîmwathîkagîra Ûvoro ûrîa mwaro, na nîûndû wa gîtûmi gîkî, nie nîngenaga nîûndû wenyu. Nie nîrenda mue mwîthagîrwe mûrî aûgî maûndûrî marîa maro, nwatî ûvororî wîgiî maûndû marîa macûku, îthagîrwani mûtarî na ûcuke.

1Akor 14:36

Nîkwa arî mue kiumo gîa kiugo Kîam Ngai? Nîkwa mûreciria atî nwa mue muonga mûkinyîrîtwe nî kiugo kîu?

2Akor 2:14

Nwatî nîtûcokie ngatho kûrî Ngai! Nîûndû tûrî ûrûmwe na Kristû, Ngai nîatûvotanagîra vîndî cionthe. Na njîra yetû Ngai nîatambagia mûtararûko wa ûmenyo wa Kristû kûndû kuonthe.

2Akor 3:4

Tue tûrauga ûguo nîûndû tûrî na mwîvoko kûrî Ngai na njîra ya Kristû.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.

2Ath 3:1

Ngîrîkîrîria ariû na aarî a îthe wetû, tûvoyagîreni nîguo ndûmîrîri ya Mwathani îtambe na îvenya na andû mamîamûkîre na gîtîîo wata ûrîa gwekîkire gatagatîrî kenyu.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.

2Tim 2:9

Nîûndû wa kûvunjia ûvoro mwaro, nînyariragwa na ngekîrwa mvîngû ta mûgeri ngero. Nwatî ûvoro wa Ngai tî mwove na mvîngû.

3Joh 1:12

Andû onthe maragia maûndû maro megiî Demetirio. Ûma guo mwene nîwaragia ûvoro mwaro ûmwîgiî. Wanatue nîtwaragia maûndû maro mamwîgiî na nîmwîcî atî maûndû marîa twaragia nîma ma.

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.