1Akor 9:22 - ÎVUKU RÎA ÛVORO MWARO

²² Vîndî îrîa nîrî gatagatîrî ka arîa matarî na vinya wîtîkiorî nduîkaga wa tao nîguo nîmagucîrîrie. Kwoguo nînduîkaga maûndû monthe kûrî andû onthe, nîguo mvonokie amwe gatagatîrî kao na njîra cionthe irîa nîngîvota.

1Akor 9:22 ပူးပေါင်းရင်းမြစ်များ

Aroma 11:14

nîguo ndûme andû a rûruka rwakwa na nîo Ayahudi megue wîru, na na njîra îo, ndethie amwe kûvonoka.

Aroma 14:1

Amûkagîrani mûndû ûrîa ûtarî vinya wîtîkiorî, nwatî mûtigakararanie nake ûvororî wa maûndû marîa ke etîkîtie nwatî mue mûtimetîkîtie.

Aroma 14:2

Mûndû ûmwe etîkîtie atî nwa arîe irio cia mîthemba yonthe. Nwatî mûndû wîngî ûtarî na vinya wîtîkiorî wake arîcaga manyenyi tu.

Aroma 15:1

Tue arîa tûrî na vinya wîtîkiorî nîtwagîrîrwe nî gûtethia arîa matarî na vinya wîtîkiorî, tûtigekenagie tue ene.

Aroma 15:2

Wa mûndû nîwagîrîrwe nî gûkenia mûndû ûrîa mariganîtie nake nîguo wîtîkio wa mûndû ûcio ûgîe na vinya.

1Akor 10:33

Îkagani wata ûrîa nie mbîkaga. Nîngeragia gûkenia andû onthe maûndûrî monthe marîa mbîkaga. Ngîka ûguo, ndiîthagîrwa ngîcaria ûrîa nîngîîguna nie mwene, nwatî mbîthagîrwa ngîcaria ûrîa nîngîguna andû onthe nîguo mavote kûvonoka.

1Akor 7:16

Mûndûmûka ûyû, wîcî atîa kana tîwe ûkaavonokia mûthuuriguo? Nawe mûthuuri ûyû, wîcî atîa kana tîwe ûkaavonokia mûkaguo?

1Akor 8:13

Kwoguo ethîrwa irio irîa ndîcaga nîitûmaga ariû na aarî a îthe wetû mevie, nie ndikaarîa nyama rîngî nîguo ndigatûme wana ûmwe wa ciao evie.

1Akor 9:19

Nie ndirî ngombo ya mûndû wana ûmwe; nwatî nînîtuîte ngombo ya andû onthe nîguo ngucîrîrie andû eengî wa ûrîa nîngîvota.

1Akor 9:23

Mbîkaga maûndû mama monthe nîûndû wa ûvoro mwaro, nîguo wa nanie ngaagaîrwa irathimo irîa ciumanaga naguo.

2Akor 11:29

Rîrîa mûndû atarî na vinya, wananie mbîgucaga ndarî na vinya. Rîrîa mûndû atûma mûndû wîngî evie, nîmbîcûragwa nî marakara.

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.