1Akor 9:21 - ÎVUKU RÎA ÛVORO MWARO

²¹ Na njîra wata îo vîndî îrîa nîrarutithania wîra na andû a Ndûrîrî, ndûûraga ta mûndû wa Ndûrîrî ûrîa ûrî nja ya Watho wa Ayahudi. Mbîkaga ûguo nîguo ngucîrîrie andû a Ndûrîrî. Nwatî ûguo tî kuga atî ndiathîkagîra Watho wa Ngai; vandû va ûguo na ma nîrî rungu rwa watho wa Kristû.

1Akor 9:21 ပူးပေါင်းရင်းမြစ်များ

Thaburi 119:32

Ngaarûmagîrîra ûrîa maathani maku maugîte, nîûndû nîûmvecaga ûtaûku mwîngî.

Ciîko 15:28

Tue vamwe na Roho Mûtheru nîtwonete atî tî waro tûmwigîrîre mîrigo îngî îkîrîte maûndû marîa marî na vata.

Ciîko 16:4

Paûlo na arîa maarî nake nîmaavîtîkîrîre matûûrarî magîkinyagîria etîkia matua marîa maathondeketwe nî atûmwa na athuuri arîa maarî Jerusalemu, na makîmeeraga mamavingagie.

Ciîko 21:25

Nwatî tue nîtûrîkîtie kwandîka maarûa kûrî andû a ndûrîrî arîa matuîkîte etîkia. Nîtûmerîte atî nîtûtuîte na ma atî nwa nginya matige kûrîa irio irîa irutîrîtwe mîvuanano, kûrîa nthakame, kûrîa nyama cia nyamû irîa ciîthagîrwa citîtwe itagwîtûrûra nthakame, na atî o matiagîrîrwe nî gwîka ciîko cia ûmaraa.”

Aroma 2:12

Andû onthe arîa mevîtie matarî wathorî makaathirua vatarî watho, nao andû arîa mevîtie marî wathorî magaatuîrwa kûringana na watho.

Aroma 2:14

Andû a ndûrîrî matirî na watho. Nwatî rîrîa matongoragua nî thamiri ciao gwîka ûrîa watho uugîte, methagîrwa mekariî ta watho wana ethîrwa matirî rungu rwa watho.

Aroma 7:22

Ngororî yakwa nîngenete nî ûndû wa watho wa Ngai.

Aroma 7:25

Nî ngatho kûrî Ngai ûrîa ûndethûraga na njîra ya Mwathani wetû Jesû Kristû. Kwoguo, meciriarî makwa ndungatagîra watho wa Ngai, nwatî mwîrîrî wakwa, ndungatagîra watho wa mevia.

Aroma 8:4

Ngai eekire ûguo nîguo tue arîa tûrûmagîrîra maûndû marîa Roho endaga nwatî tî maûndû marîa meriragîrua nî mwîrî tûvingagie maûndû marîa watho ugîte.

Agal 3:2

Tambîrani atîrî: Mwamûkîre Roho na njîra ya kûrûmîrîra watho, kana nî na njîra ya kwîgua ûvoro mwaro na kûwîtîkia?

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.