1Akor 9:17 - ÎVUKU RÎA ÛVORO MWARO

¹⁷ Nîngîvunjagia nîûndû wa kwenda gwakwa nînîngîrîvagwa nwatî, ndiîkaga ûguo nîûndû wa kwenda gwakwa, mvunjagia nîûndû ûcio nîguo wîra ûrîa naveerwe.

1Akor 9:17 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

1Maû 29:14

“Nwatî nîrî û nie na andû akwa nî arîkû atî nîguo tûkûrutîre na ûtana? Indo cionthe ciumaga kûrî we na twagûcokeria irîa watûveere.

1Maû 29:5

na cia indo cia thaavu na cia sîlûva irîa ikaarûthwa nî andû arîa marî wara wa kûirûtha. Rîu nîûrîkû wîvarîrîtie kwîvecana kûrî Ngai-Mûnene arute indo ciake ûmûnthî na njîra ya kwîyendera?”

1Maû 29:9

Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

Nehemia 11:2

Andû nîmaakumirie arîa onthe meerutire na kwîyendera magatûûre Jerusalemu.

Isaia 6:8

Nînacokire ngîgua Mwathani akîûria atîrî, “Nîûrîkû ngûtûma? Nîûrîkû ûgûtuîka mûnjaama wetû?” Nanie nînacokirie atîrî, “Nîrî ava! Ndûma!”

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Ezek 3:14

Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Jona 1:3

Jona nîwambîrîre rûgendo, nwatî aanyitire njîra erekerete Tarishishi nîguo aûrîre Ngai-Mûnene. Nîwathiîre nginya Jopa, kûrîa eethîrîrie meri îmwe îrî vakuvî kûthiî Tarishishi. Kwoguo nîwarîvire mbeca cia rûgendo na agîtwa merirî na makîthiî Tarishishi na andû acio engî, nîguo aûrîre Ngai-Mûnene.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Mathaayo 10:41

Mûndû wa wonthe wamûkagîra mûrathi na akamûgwata ûgeni nîakaavewa kîveo wata Kîam mûrathi. Na mûndû wa wonthe wamûkagîra mûndû mûthingu na akamûgwata ûgeni, nîakaavewa kîveo wata Kîam mûndû ûcio mûthingu.

Mathaayo 24:25

Tathikîrîriani! Nie namwîra maûndû mama mbere ya mekîke.

Luka 12:42

Nake Jesû nîwamûcokerie atîrî, “Ndungata îrîa îvokekete na mbûgî, nî îrîkû? Nî îrîa îvecagwa nî mwathi wayo wîra wa kûrûngamîrîra ndungata irîa ciîngî na wa kûigaîra irio mathaa marîa magîrîrîte.

Johana 4:36

Mûkethi wa maciaro mau nîararîvwa mûcara wake na araketha maciaro nîûndû wa mwoyo wa tene na tene. Kwoguo mûvandi na mûkethi nîmagaakena marî vamwe.

1Akor 3:14

Ethîrwa kîrîa gîatumirwe îgûrû rîa mûcingi ûcio gîtikaavîa, mûtumi wakîo nîakaamûkîra kîveo.

1Akor 3:8

Vatirî ngûrani gatagatî ka mûndû ûrîa ûvandaga na ûrîa wîtagîrîria manjî, na Ngai akaarîva mûndû mûcara kûringana na wîra ûrîa ke mwene arutîte.

1Akor 4:1

Andû magîrîrwe nîgûtwonaga tûrî ndungata cia Kristû, irîa ciîvokeretwe wîra wa kûvunjia maûndû ma Ngai marîa marî nthithorî.

1Akor 9:16

Gûtuîka atî nîmvunjagia ûvoro mwaro tîkuo gûtûmaga nîtîîe, nîûndû ûguo nîguo mbathîtwe mbîke na nîûndû mûcûku mûno nîngîrega kûvunjia Ûvoro mwaro.

1Akor 9:18

Mûcara wakwa nî ûrîkû vi? Mûcara wakwa nî ûyû: atî vîndî îrîa nîravunjia Ûvoro Mwaro, mbîkage guo ndakûrîvia na ndagûtûmîra ivooto ciakwa wîrarî wakwa wa kûvunjia ûvoro mwaro.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

Agal 2:7

Vandû va ûguo, andû acio nîmoonire atî Ngai nîwamvete wîra wa kûvunjia ûvoro mwaro kûrî andû a Ndûrîrî wata ûrîa aaveete Petero wîra wa kûvunjîria Ayahudi.

Akol 1:25

Ngai anduîte ndungata ya kanitha na akamva wîra ûyû nîûrute nîûndû wa wagîrîru wenyu. Wîra ûyû wa kûvunjia ndûmîrîri yake na njîra îno mbîcûru, nîyo

1Ath 2:4

Vingo cionthe twaragia ûrîa Ngai endaga, nîûndû ke nîwonete tûrî agîrîru na a kwîvokerwa Ûvoro Mwaro. Tûtiaragia nîguo tûkenie andû, nwatî twaragia nîguo tûkenie Ngai ûrîa ûthimaga wendi wa ngoro cietû.

File 1:14

Nwatî ndirenda gûkûringîrîria ûndethie. Nie nîrenda ûndethie nîûndû wa kwîyendera gwaku we mwene.