1Akor 9:16 - ÎVUKU RÎA ÛVORO MWARO

¹⁶ Gûtuîka atî nîmvunjagia ûvoro mwaro tîkuo gûtûmaga nîtîîe, nîûndû ûguo nîguo mbathîtwe mbîke na nîûndû mûcûku mûno nîngîrega kûvunjia Ûvoro mwaro.

1Akor 9:16 ပူးပေါင်းရင်းမြစ်များ

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Jeremia 20:7

We Ngai-Mûnene nîûmveenetie nanie ngaveeneka, we ûrî na vinya kûngîra na wî mûmvootu. Mûthenya mûgima nduîkîte kîndû gîa kûthekererwa, nthekagîrîrwa nî andû onthe.

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Amosi 3:8

Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?

Amosi 7:15

Ngai-Mûnene nîwandutire wîrarî wakwa wa kûrîthia akîmbîra mbûke ndathîre andû ake a Isiraeli.

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.

Luka 9:62

Nake Jesû nîwerire mûndû ûcio atîrî, “Mûndû wa wonthe ûroragia na vuva vîndî îrîa ambîrîria kûrîma, tî mwagîrîru Ûthamakirî wa Ngai.”

Ciîko 4:20

Nîûndû tue tûtingîtiga kwaria ûvoro wîgiî maûndû marîa twonete na twîguîte.”

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

Ciîko 9:6

“Nwatî ûkîra wa rîu, ûthiî îtûûrarî, na nîûkwîrwa ûrîa wagîrîrîtwe nî gwîka.”

Aroma 1:14

Nîûndû mbîthagîrwa ta nîrî na thirî kûrî andû onthe: Aangiriki na acenji, andû aûgî na arîa matarî aûgî.

Aroma 15:17

Kwoguo nîrî ndaarî ya Jesû Kristû, nwa nîtîîe nîûndû wa ûtungata wakwa kûrî Ngai.

Aroma 4:2

Ethîrwa Iburahimu aatuirwe mûthingu nîûndû wa maûndû marîa eekaga, ke nwa agîe na ûndû wa gûtûma etîe. Nwatî ndangîîtîîa arî mbere ya Ngai.

1Akor 4:15

Nîûndû wana ethîrwa mûrî na arimû matangîtarîka mûtûûrîrerî wenyu wa Ûkristiano, mûrî na îthe ûmwe tu. Na nîûndû wa kwîthîrwa mûrî na ûrûmwe na Jesû Kristû, nînatuîkire îthe wenyu na njîra ya kûmûkinyîria Ûvoro Mwaro.

1Akor 9:12

Ethîrwa andû arîa engî marî na kîvooto gîa kûvewa nîmue indo cienyu cia gûkû nthî, na kinthî tue tûtirî na kîvooto kînene makîria? Nwatî tûtianatûmîra kîvooto gîkî. Vandû va ûguo, nîtûûmagîrîria maûndû monthe nîguo tûtigeke ûndû wana ûmwe ûngîgiria andû mavunjie Ûvoro Mwaro wîgiî Kristû.

1Akor 9:14

Na njîra wata îo, Mwathani nîwathanire akiuga arîa mavunjagia ûvoro mwaro metethagie ûtûûrorî wao na kîrîa kiumanîte na wîra ûcio marutaga.

2Akor 2:12

Vîndî îrîa nie naakinyire Toroasi kûvunjia Ûvoro mwaro wîgiî Kristû nînoonire atî Mwathani nîwavingûrîte njîra nîûndû wa wîra wake kuo.

Akol 4:17

Îrani Arikipo atîrî, “Geria wa ûrîa ûngîvota nîguo ûrîkie wîra ûrîa waveerwe ûtungatarî wa Mwathani.”

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.