1Akor 9:14 - ÎVUKU RÎA ÛVORO MWARO

¹⁴ Na njîra wata îo, Mwathani nîwathanire akiuga arîa mavunjagia ûvoro mwaro metethagie ûtûûrorî wao na kîrîa kiumanîte na wîra ûcio marutaga.

1Akor 9:14 ပူးပေါင်းရင်းမြစ်များ

Mathaayo 10:10

Rûgendorî mûtigekuuîre mûvuko, kana cati igîrî kana iratû, wana kana mûtiriî. Mûruti wîra nîwagîrîrwe nî kûvewa kîrîa avatarîte.

Luka 10:7

Îkaragani mûciîrî ûcio mûkîrîcaga na mûkînyunyaga kîndû wa kîonthe kîrîa andû akuo makamûnengagîra, nîûndû mûthûkûmi nîwagîrîrwe kûvewa mûcara wake. Mûtikaûrûrage kuuma mûciîrî ûmwe nginya ûrîa wîngî.

Luka 10:8

Îtûûrarî wa rîonthe rîrîa mûkaathiîcaga, na andû akuo mamûgwate ûgeni, rîcagani irio irîa makaamûvecaga.

Ciîko 18:3

na agîkarania akîrutithanagia wîra nao nîûndû ke aarî mûtumi wa magema wa tao.

1Akor 4:15

Nîûndû wana ethîrwa mûrî na arimû matangîtarîka mûtûûrîrerî wenyu wa Ûkristiano, mûrî na îthe ûmwe tu. Na nîûndû wa kwîthîrwa mûrî na ûrûmwe na Jesû Kristû, nînatuîkire îthe wenyu na njîra ya kûmûkinyîria Ûvoro Mwaro.

1Akor 9:11

Ethîrwa nîtûvandîte mbegû ya kîîroho gatagatîrî kenyu, nîkwa arî ûndû mûnene tûngîketha kuuma kûrî indo cienyu cia gûkû nthî?

1Akor 9:12

Ethîrwa andû arîa engî marî na kîvooto gîa kûvewa nîmue indo cienyu cia gûkû nthî, na kinthî tue tûtirî na kîvooto kînene makîria? Nwatî tûtianatûmîra kîvooto gîkî. Vandû va ûguo, nîtûûmagîrîria maûndû monthe nîguo tûtigeke ûndû wana ûmwe ûngîgiria andû mavunjie Ûvoro Mwaro wîgiî Kristû.

1Akor 9:16

Gûtuîka atî nîmvunjagia ûvoro mwaro tîkuo gûtûmaga nîtîîe, nîûndû ûguo nîguo mbathîtwe mbîke na nîûndû mûcûku mûno nîngîrega kûvunjia Ûvoro mwaro.

1Akor 9:4

Anga tue tûtirî na kîvooto gîa kwîthîrwa tûkîrîa na tûkînyua nîûndû wa wîra ûrîa tûrutaga?

2Akor 2:12

Vîndî îrîa nie naakinyire Toroasi kûvunjia Ûvoro mwaro wîgiî Kristû nînoonire atî Mwathani nîwavingûrîte njîra nîûndû wa wîra wake kuo.

Agal 6:6

Mûndû ûrîa ûthomithagua ûvoro wa Kristû nîwagîrîrwe nî kûgaanaga maûndû monthe maro na mûndû ûrîa ûramûthomithia.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.