1Akor 9:10 - ÎVUKU RÎA ÛVORO MWARO

¹⁰ Ke na ma akiuga ûguo aaugaga nîûndû wetû nîûndû mûndû ûrîa ûrîmaga na mûndû ûrîa ûkethaga nîmagîrîrwe nî kûruta wîra marî na mwîvoko wa kûnyita gîcunjî Kîam maketha.

1Akor 9:10 ပူးပေါင်းရင်းမြစ်များ

Ndari 18:31

We na andû a mûciî waku nwa mûrîîre irio icio ciîngî vandû wa vonthe nîûndû rîu nîrîo îrîvi rîenyu nîûndû wa gûtungata îgemarî rîa Ngai-Mûnene.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

2Akor 4:15

Maûndû mama monthe meekirwe nîûndû wenyu. Wata ûrîa wega wa Ngai ûgûkinyîra andû eengî makîria, nwaguo andû acio magaacokagia ngatho kûrî Ngai makîmûgoocaga.

2Tim 2:6

Mûrîmi ûrîa ûrutaga wîra na kîîo nîke wagîrîrwe kûrîa maciaro ma mbere ma mûgûnda.