1Akor 8:9 - ÎVUKU RÎA ÛVORO MWARO

⁹ Nwatî îîmenyerereni nîguo wîyathi ûcio ndûgatuîke mûvînga kûrî akristiano arîa marî na wîtîkio mûnini.

1Akor 8:9 ပူးပေါင်းရင်းမြစ်များ

Isaia 35:3

Ongererani vinya njara icio icunjurîte, na mwongerere vinya maru mau maregerû.

Isaia 57:14

Ngai-Mûnene arauga atîrî, “Tûgûtani, tûgûtani, thondekani njîra, thengutiani ithukî cionthe njîrarî ya andû akwa!

Ezek 14:3

“Mûndû, andû aya nîmetîkîtie mîvuanano, na mîvuanano îo nîîratûma mevie. Nie nwambîtîkîre mambûrie ûtaaro wa wonthe?

Ezek 44:12

Nie Mwathani Ngai-Mûnene nînîvîtîte nîûndû wao ngiuga nîngaamaverithia nîûndû mevia mao nîmaavîtithirie andû a Isiraeli magîtûma magooce mîvuanano.

Alawi 19:14

Mûtikanarume gîtegua kana mwiga kîndû mbere ya ndumumu atî nîguo îvîngwe nîkîo. Mbathîkagîrani. Nie, nînie Ngai-Mûnene, Ngai wenyu.

Mathaayo 18:10

“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Aroma 15:1

Tue arîa tûrî na vinya wîtîkiorî nîtwagîrîrwe nî gûtethia arîa matarî na vinya wîtîkiorî, tûtigekenagie tue ene.

1Akor 10:24

Mûndû wa wonthe gatagatîrî kenyu ndagîrîrwe nî kwîthagîrwa agîcaria ûrîa angîîguna ke mwene, nwatî agîrîrwe nî kwîthîrwa agîcaria ûrîa angîguna andû arîa engî.

1Akor 10:28

Nwatî mûngîrwa nî mûndû atîrî, “Irio ino irutîrîtwe mîvuanano,” mue mûtikairîe. Nîrauga ûguo nîûndû wa mûndû ûrîa ûngîmwîra ûguo na nîûndû wa thamiri cienyu.

1Akor 10:29

Ngîaria ûvoro wîgiî thamiri, ndiraria ûvoro wîgiî thamiri cienyu, nwatî nîraria ûvoro wîgiî thamiri ya mûndû ûcio. Nwatî mue nwa mwîyûrie atîrî, “Wîyathi wa gwîka ûrîa nîngîenda nî wagîrîrwe nî gûtongorua nî thamiri ya mûndû wîngî?

1Akor 10:32

Tûûrani na njîra îtangîtûma kûgîa na thîna kûrî Ayahudi kana Angiriki kana kanitha wa Ngai.

1Akor 8:10

Ethîrwa mue mûrî na “ûmenyo” nîmûrîcaga irio mûrî hekarûrî ya mîvuanano, kinthî mûndû ûrîa ûrî na thamiri mvûthû angîmwona mûkîrîîra irio kuo ndakarîa irio irîa irutîrîtwe mîvuanano?

1Akor 8:12

Vîndî îrîa mûravîtîria Akristiano arîa engî na mûgacûkia thamiri ciao irîa ciîthagîrwa irî mvûthû, mwîthagîrwa mûkîvîtîria Kristû.

1Akor 9:22

Vîndî îrîa nîrî gatagatîrî ka arîa matarî na vinya wîtîkiorî nduîkaga wa tao nîguo nîmagucîrîrie. Kwoguo nînduîkaga maûndû monthe kûrî andû onthe, nîguo mvonokie amwe gatagatîrî kao na njîra cionthe irîa nîngîvota.

2Akor 11:21

Nie nînîregua nthoni ngiuga atî tue tûtiarî na vinya wa gwîka maûndû mau! Nwatî ethîrwa mûndû wana ûrîkû nwa etîîe nîûndû wa kîndû, wa nanie nwa nîtîîe. Nie nîraria ta mûndû mûritu.

2Akor 11:29

Rîrîa mûndû atarî na vinya, wananie mbîgucaga ndarî na vinya. Rîrîa mûndû atûma mûndû wîngî evie, nîmbîcûragwa nî marakara.

2Akor 6:3

Tue nîtûgeragia mûno tûtigatuîke mûvînga kûrî mûndû nîguo gûtikagîe mûndû ûngîona wîra wetû ûrî mûcûku.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

1Pet 2:16

Tûûragani ta andû meyathîte, na mûtigetîkagîre wîyathi ûcio wenyu ûtuîke wa gûkunîkagîra naaî. Nwatî tûûragani ta ngombo cia Ngai.

2Pet 2:19

Nîmameragîra wîyathi, nwatî o ene methagîrwa marî ngombo cia mîtugo îrîa îcûkangagia. Nîûndû mûndû ethagîrwa arî ngombo ya kîndû kîrîa kîmûkîragia ûvoti.

Kûguû 2:14

Nwatî nîrî na maûndû manini ngûmûcukîra: atî kûrî andû amwe gatagatîrî kenyu marûmagîrîra maûndû marîa Balaamu aathomithanagia. Balaamu ûcio nîke wathomithirie Balaki ûrîa agûtûma andû a Isiraeli mevie na njîra ya kûrîa irio irîa ciarutîrîtwe mîvuanano na mevia na ciîko cia ûmaraa.