1Akor 8:5 - ÎVUKU RÎA ÛVORO MWARO

⁵ Nî ûvoro wa ma atî nîkûrî na indo irî îgûrû na irî gûkû nthî ciîtagwa “ngai,” na ma nîkûrî “ngai” nyîngî na “athani” eengî.

1Akor 8:5 ပူးပေါင်းရင်းမြစ်များ

Jeremia 11:13

Nîûndû mue andû a Juda ngai cienyu ciîngîvîte wata matûûra menyu, nacio metha cia kûrutîra ngai ya Baali magoongona irîa mûtumîte ciîngîvîte ta tûcîra twa Jerusalemu.

Jeremia 2:11

Kûrî vûrûri wanakûranania ngai ciao na ciîngî, wana ethîrwa ngai icio tî cia ma? Nwatî andû akwa nîmandiganîrîtie nie Ngai ûrîa ûrî riiri, makegîra na ngai itangîmatethia.

Jeremia 2:28

Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.

Danieli 5:4

Maanyuire ndivei magîkumagia ngai irîa ciarûthîtwe na thaavu, sîlûva, gîcango, cuuma, mîtî na mathiga.

Mathaayo 27:17

Kwoguo, rîrîa andû maagomanire, Pilato nîwamaûririe atîrî, “Mûrenda nîmûrekerie ûrîkû? Nî Baraba kana nî Jesû ûrîa wîtagwa Mesaya?”

Agal 4:8

Tene mûtiaicî Ngai. Kwoguo mwatwîre ûkomborî wa ngai irîa itarî cia ma.

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.