1Akor 8:13 - ÎVUKU RÎA ÛVORO MWARO

¹³ Kwoguo ethîrwa irio irîa ndîcaga nîitûmaga ariû na aarî a îthe wetû mevie, nie ndikaarîa nyama rîngî nîguo ndigatûme wana ûmwe wa ciao evie.

1Akor 8:13 ပူးပေါင်းရင်းမြစ်များ

Mathaayo 17:27

Nwatî tue tûtirenda kûrakaria andû aya. Na kwoguo thiî îriarî na wikie ndwano. Warîkia kûnyita nthamaki ya mbere, mîvingûre kanyua ka yo na nîûkwona mbeca. Mbeca îo nîmbîganu ya kûrîva gooti ya hekarû; mîoce na ûthiî ûrîve gooti yakwa na yaku.”

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Aroma 14:13

Kwoguo nîtûtige gûtucanîra. Vandû va ûguo twagîrîrwe nî gûtua atî tûtigeke ûndû wana ûmwe ûrîa ûngîtûma mûndû ûrîa wîngî avîngwe kana agwe meviarî.

Aroma 14:21

Nî ûndû mwaro gûtiga kûrîa nyama, kûnyua ndivei kana gwîka ûndû wa wonthe ûngîtûma mûndû ûrîa wîngî avîngwe.

1Akor 10:32

Tûûrani na njîra îtangîtûma kûgîa na thîna kûrî Ayahudi kana Angiriki kana kanitha wa Ngai.

1Akor 10:33

Îkagani wata ûrîa nie mbîkaga. Nîngeragia gûkenia andû onthe maûndûrî monthe marîa mbîkaga. Ngîka ûguo, ndiîthagîrwa ngîcaria ûrîa nîngîîguna nie mwene, nwatî mbîthagîrwa ngîcaria ûrîa nîngîguna andû onthe nîguo mavote kûvonoka.

1Akor 13:5

Wendani ndûrî rûng'athio na ndûcaragia tu wa ûrîa ûngîîguna. Wendani ndûrî marakara na ndûtaraga maûndû macûku marîa maanekwa.

1Akor 6:12

Mûndû avota kuga atîrî, “Nie nîrîmwîtîkîrie gwîka ûndû wa wonthe.” Ûguo nîguo, nwatî maûndû monthe tî maro kûrî mue mûkîmeka. Nie nwa mbuge atî nîrîmwîtîkîrie gwîka ûndû wa wonthe, nwatî ndigûtuwa ngombo nî ûndû wana ûrîkû.

1Akor 9:12

Ethîrwa andû arîa engî marî na kîvooto gîa kûvewa nîmue indo cienyu cia gûkû nthî, na kinthî tue tûtirî na kîvooto kînene makîria? Nwatî tûtianatûmîra kîvooto gîkî. Vandû va ûguo, nîtûûmagîrîria maûndû monthe nîguo tûtigeke ûndû wana ûmwe ûngîgiria andû mavunjie Ûvoro Mwaro wîgiî Kristû.

2Akor 11:29

Rîrîa mûndû atarî na vinya, wananie mbîgucaga ndarî na vinya. Rîrîa mûndû atûma mûndû wîngî evie, nîmbîcûragwa nî marakara.

2Akor 6:3

Tue nîtûgeragia mûno tûtigatuîke mûvînga kûrî mûndû nîguo gûtikagîe mûndû ûngîona wîra wetû ûrî mûcûku.