1Akor 8:10 - ÎVUKU RÎA ÛVORO MWARO

¹⁰ Ethîrwa mue mûrî na “ûmenyo” nîmûrîcaga irio mûrî hekarûrî ya mîvuanano, kinthî mûndû ûrîa ûrî na thamiri mvûthû angîmwona mûkîrîîra irio kuo ndakarîa irio irîa irutîrîtwe mîvuanano?

1Akor 8:10 ပူးပေါင်းရင်းမြစ်များ

Amosi 2:8

Mamamaga vakuvî na metha ya kîgongoona, na makamamîra nguo irîa macunîte athîni nîguo irûngamîrîre thirî wao. Manyunyagîra ndivei hekarûrî ya Ngai wao, îrîa matavîte andû maremwa nî kûrîva mathiirî.

Ndari 25:2

Aka acio nîmeetire Aisiraeli mamburarî mao ma kûrutîra ngai ciao magongoona. Andû a Isiraeli nîmaarîre irio na makîgooca ngai cia a Moabu.

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Aroma 14:14

Na nîûndû wa kwîthîrwa tûrî kîndû kîmwe na Mwathani Jesû, nîmenyete waro atî gûtirî irio ciîthagîrwa irî njûku cio mene. Nwatî mûndû ethîrwa nwa ecirie atî kûrî irio njûku, irio icio nî njûku tu kûrî mûndû ûcio.

Aroma 14:23

Nwatî angîthîrwa arî na nganja îgûrû rîa kîrîa arîcaga, Ngai nîamûtucagîra nîûndû areka ûndû ûrîa ûtaumanîte na wîtîkio wake. Na ûndû wa wonthe ûtaumanîtie na wîtîkio nî wîvia.

1Akor 10:32

Tûûrani na njîra îtangîtûma kûgîa na thîna kûrî Ayahudi kana Angiriki kana kanitha wa Ngai.

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

1Akor 8:7

Nwatî tî andû onthe maicî ûvoro ûcio. Andû amwe nîmamenyerete mîvuanano mûno, na rîrîa makûrîa irio, monaga irio icio ta arî wa irio irîa irutîrîtwe mîvuanano. Na nîûndû thamiri ciao nî mvûthû vîndî îrîa marîa irio icio, nîmegucaga marî na ûcuke.

1Akor 8:9

Nwatî îîmenyerereni nîguo wîyathi ûcio ndûgatuîke mûvînga kûrî akristiano arîa marî na wîtîkio mûnini.

Atir 9:27

Andû a Shekemu nîmaathiîre mîgûndarî yao ya mîthavibu na magîketha thavibu, makîthondeka ndivei na makîgîa na kîrugo. Nîmaacokire magîtonya hekarûrî ya ngai yao, nîmaarîre na makînyua magîcoka makîruma Abimeleki.