1Akor 7:34 - ÎVUKU RÎA ÛVORO MWARO

³⁴ na kwoguo wendi wake wîthagîrwa ûrî mûgaûkanu. Mwanamwarî wa wonthe kana mwîrîtu nîarûmbûyanagia na wîra wa Mwathani, nîûndû ke endaga kwîyamûrîra Mwathani mwîrî na roho. Nwatî mûndûmûka wa wonthe ûvikîtue arûmbûyanagia na maûndû ma gûkû nthî nîûndû ethagîrwa akîenda gûkenia mûthuuriwe.

1Akor 7:34 ပူးပေါင်းရင်းမြစ်များ

Johana 10:13

Mûndû wa kûrîvwa nîavinyûraga akaûra, nîûndû ke nî mûndû tu wa kûrîvwa na ndatindanagîra na ng'ondu.

Aroma 6:13

Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.

1Akor 6:20

Mwagûrirwe na thogora wa goro. Kwoguo tûmîrani mîîrî yenyu na njîra îgûtûma Ngai agoocithue.

1Akor 7:33

Nwatî mûndû mûrûme wa wonthe ûvikanîtie nîarûmbûyanagia na maûndû ma gûkû nthî, nîûndû endaga gûkenia mûka,

1Akor 7:35

Nîrauga maûndû mama nîguo mûgunîke na tîkwa nîrageria kûmûrigîrîria. Nwatî nîrenda mûtûûre na njîra îrîa yagîrîrîte na mwîvecane wîrarî wa Mwathani viû na mûtakûrûmbûyania na maûndû marîa mengî.

2Akor 11:28

Na ndakûgweta maûndû mau mengî, wa mûthenya mbîthagîrwa nîrî mûritûvîre meciriarî nîûndû wa makanitha monthe.

2Akor 8:16

Nîtûgûcokia ngatho kûrî Ngai ûrîa ûtûmîte Tito agîe na wendi wa kûmûtethia ta ûrîa tûrî naguo.

Afil 1:20

Nînîîriragîria mûno, na ngerîgîrîra atî ndigaaconoka nî ûndû wana ûrîkû, nwatî ngeethagîrwa nîrî na ûmîrîru rîu na vingo cionthe, nîguo mwîrî wakwa wonthe ûtûmage Kristû akumue ethîrwa nîrî mwoyo kana nîrî mûkuû.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

1Tim 3:5

Nîûndû ethîrwa mûndû ndaicî kûmenyerera mûciî wake, angîvota atîa kûmenyerera kanitha wa Ngai?

1Tim 5:5

Mûndûmûka wa ndigwa ûrîa ûtarî na mûndû wa kûmûtethia na wîkaraga wenga, aigaga kîîrîgîrîro gîake kûrî Ngai. Avoyaga ûtukû na mûthenya nîguo Ngai amûtethie.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.