1Akor 7:22 - ÎVUKU RÎA ÛVORO MWARO

²² Arîa maarî ngombo vîndî îrîa Mwathani aametire, rîu nîarekererie nîûndû wa Mwathani. Nao arîa maarî arekererie vîndî îrîa meetirwe, rîu o nî ngombo cia Kristû.

1Akor 7:22 ပူးပေါင်းရင်းမြစ်များ

Thaburi 116:16

We Ngai-Mûnene, nie nîrî ndungata yaku; ndungata yaku, mwana wa ndungata yaku ya mûndûmûka. We nîûnjovorete mînyororo yakwa.

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

1Akor 7:21

Ethîrwa warî ngombo vîndî îrîa Ngai aagwîtire, tiga kwona ûcio ta ûndû. Nwatî ethîrwa nwa ûvote kwona kanya ga kûrekererua, gatûmîre.

1Akor 9:19

Nie ndirî ngombo ya mûndû wana ûmwe; nwatî nînîtuîte ngombo ya andû onthe nîguo ngucîrîrie andû eengî wa ûrîa nîngîvota.

1Akor 9:21

Na njîra wata îo vîndî îrîa nîrarutithania wîra na andû a Ndûrîrî, ndûûraga ta mûndû wa Ndûrîrî ûrîa ûrî nja ya Watho wa Ayahudi. Mbîkaga ûguo nîguo ngucîrîrie andû a Ndûrîrî. Nwatî ûguo tî kuga atî ndiathîkagîra Watho wa Ngai; vandû va ûguo na ma nîrî rungu rwa watho wa Kristû.

Agal 1:10

Ndiugaga maûndû mama nîguo ngenie andû nwatî mendaga gûkenia Ngai. Na ethîrwa mendaga gûkenia andû, ndiagîrîrwe nî kwîthîrwa nîrî ndungata ya Kristû.

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

File 1:16

Na rîu ke tî ngombo tu, nwatî nîakîrîte ngombo; nî mûrû wa îthe wetû. Nanie nîmwendete mûno, nwatî we nîûkûmwenda mûno makîria nîûndû ke nî ngombo yaku na nî mûrû wa îthe wetû wîtîkîtie Mwathani.

1Pet 2:16

Tûûragani ta andû meyathîte, na mûtigetîkagîre wîyathi ûcio wenyu ûtuîke wa gûkunîkagîra naaî. Nwatî tûûragani ta ngombo cia Ngai.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.