1Akor 7:21 - ÎVUKU RÎA ÛVORO MWARO

²¹ Ethîrwa warî ngombo vîndî îrîa Ngai aagwîtire, tiga kwona ûcio ta ûndû. Nwatî ethîrwa nwa ûvote kwona kanya ga kûrekererua, gatûmîre.

1Akor 7:21 ပူးပေါင်းရင်းမြစ်များ

Luka 12:29

“Kwoguo mûtigatangîke mûkîûria kîrîa mûkaarîa na mûkaanyua.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

1Akor 12:13

Amwe gatagatîrî getû nî Ayahudi, na amwe nî andû a Ndûrîrî, na engî nî ngombo, na amwe nî andû marî na wîyathi. Nwatî tuonthe twavatithirue na njîra ya Roho ûmwe tûgîtuîka mwîrî ûmwe, na tûkînyua Roho wa ûcio ûmwe.

1Akor 7:20

Mûndû wa wonthe gatagatîrî kenyu agîrîrwe nî gwîkara wata ûrîa Ngai aamwîtire ekariî.

1Akor 7:22

Arîa maarî ngombo vîndî îrîa Mwathani aametire, rîu nîarekererie nîûndû wa Mwathani. Nao arîa maarî arekererie vîndî îrîa meetirwe, rîu o nî ngombo cia Kristû.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Afil 4:11

Ndirauga ûguo atî nîûndû nînîrenda ûtethio. Nîmenyerete kwîganagîrwa nî kîrîa nîrî nakîo.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

1Pet 5:7

Tigîrani Ngai maûndû monthe menyu marîa matûmaga mûtangîke nîûndû nîamûmenyagîrîra.