1Akor 7:2 - ÎVUKU RÎA ÛVORO MWARO

² Nwatî nîûndû ûmaraa nîguo wîngîvîte, mûndûmûrûme wa wonthe nî kava ethîrîtwe arî na mûka wake ke mwene, na mûndûmûka wa wonthe ethîrwe arî na mûthuuri wake ke mwene.

1Akor 7:2 ပူးပေါင်းရင်းမြစ်များ

Nthi 18:22

Mûndû agîte na mûka nîagîcaga na kîndû Kîamro; na Ngai-Mûnene nîakenagua nîke.

Nthi 19:14

Mûndû nwa agae indo na nyomba kuuma kûrî aciari, nwatî mûndûmûka mûûgî avecanagwa nî Ngai-Mûnene.

Malaki 2:14

Mue mûragia atîrî, “Aregaga kûmamûkîra nîkî?” Gîtûmi nî atî Ngai-Mûnene nî mûira wa atî we wîthîrîtwe ûtarî mwîvokeku kûrî mûka waku ûrîa wavikirie ûrî mwîthî, na nîunîte mwîvîtwa ûrîa weranîre mbere ya Ngai atî nîûgûtûûra ûrî mwîvokeku kûrî ke.

Mathaayo 5:32

Nwatî rîu nie nîramwîra atî: mûthuuri wa wonthe ûtecaga mûka, tiga nwanga mûndûmûka ûcio ethîrîtwe atarî mwîvokeku kûrî mûthuuriwe, mûthuuri ûcio nîatûmaga mûndûmûka ûcio atuîke mûtharia ethîrwa nîakûvika rîngî. Nake mûndû wa wonthe ûvikagia mûndûmûka ûcio mûte, nîethagîrwa atharîtie.

1Akor 6:18

Ûrîrani wîvia wa kûmenyana kîîmwîrî. Wîvia wîngî wonthe ûrîa wîkagwa nî andû wîthagîrwa ûrî nja ya mwîrî, nwatî mûndû ûrîa wîvagia na njîra ya kûmenyana kîîmwîrî nîevagîria mwîrî wake ke mwene.

1Akor 7:1

Nie nîngwaria ûvoro wîgiî maûndû marîa mue mwamandîkîre. Nîkwagîrîrîte mûndûmûrûme ndakavikanie.

1Akor 7:3

Mûthuuri wa wonthe nîavingagie vata wa kûmenyana kîîmwîrî na mûka. Mûka wa wonthe nake nîavingagie vata wa kûmenyana kîîmwîrî na mûthuuri wake.

1Akor 7:9

Nwatî ethîrwa matirî na ûvoti wa kwatha mîîrî yao, nîmagîrîrwe nî kûvikania. Wana nî kava mûndû avikanîtie gûkîra kûthînua nî merirîria ma kwenda kûmenyana kîîmwîrî.

Aefeso 5:28

Mûthuuri agîrîrwe nî kwendaga mûka wake wa ta ûrîa endete mwîrî wake. Mûndû ûrîa wendete mûka nîke wîyendete.

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

1Ath 4:4

Mûndû mûrûme wa wonthe nîwagîrîrwe nî kûmenya ûrîa agîrîrwe nî gûtûûrania na mûka na njîra ya ûthingu na gîtîîo,

1Tim 4:3

Andû acio mathomithanagia atî nî naaî kûvikania na nî naaî kûrîa irio cia mîthemba îmwe na îmwe. Nwatî Ngai aaûmbire irio cionthe irî mbaro nîguo irîcagwe vuva wa gûcokia ngatho kûrî Ngai. Ciagîrîrwe nî kûrîwa nî etîkia arîa mamenyete ûvoro wa ma.

Atir 21:22

Methe mao kana aa mûrwang'ina mangîûka kûmûnegenera, mûkaameera, ‘Twamûthaitha mûtwîtîkîrie twîkare nao nîûndû tûtiamocire nîguo matuîke aka etû tûrî mbaararî. Wana tîmue mwatûveere o, kwoguo mûtirî na mavîtia ma kuna kîîranîro kîenyu.’ ”