1Akor 7:19 - ÎVUKU RÎA ÛVORO MWARO

¹⁹ Kûrua kana kûrega kûrua, ûcio tî ûndû ûrî na vata. Ûndû ûrîa ûrî na vata nî kwathîkîra mawatho ma Ngai.

1Akor 7:19 ပူးပေါင်းရင်းမြစ်များ

Mathaayo 5:19

Kwoguo mûndû wa wonthe ûtathîkagîra wana ethîrwa nî rîathani rîmwe rîa marîa manini na agacoka akathomithia andû arîa engî guo, mûndû ûcio akethagîrwa arî mûnini mûno Ûthamakirî wa îgûrû. Nwatî mûndû wa wonthe wathîkagîra Watho na akathomithia arîa engî gwîka guo, nîakethîrwa arî mûnene Ûthamakirî wa îgûrû.

Johana 15:14

Mwona mweka maûndû marîa nîmwathaga, nîmûgûtuîka arata akwa.

Aroma 3:30

Ngai nî ûmwe, na agaatûma Ayahudi matuîke athingu na njîra ya gwîtîkia kwao, na andû a Ndûrîrî magaatua athingu na njîra ya gwîtîkia kwao.

1Akor 8:8

Irio tî cio ingîtûma twîtîkîrwe nî Ngai. Kûrîa gûtingîtûma tûrwe nî kîndû wana kîrîkû, na tî kuo kûngîtûma tûgîe na umithio wana ûrîkû.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Agal 6:15

Kûrua kana kûrega kûrua tî ûndû ûrî na vata mûno. Ûndû ûrîa ûrî na vata nî kwîthîrwa ûrî kîûmbe gîcerû.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Josh 5:5

Andû acio onthe maaumîte Misiri nîmaaruithîtue, nwatî arîa maaciarîrwe werûrî andû mauma Misiri matiarî aruithie.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.