1Akor 7:17 - ÎVUKU RÎA ÛVORO MWARO

¹⁷ Mûndû wa wonthe gatagatîrî kenyu agîrîrwe nî gwîkara kûringana na wîra ûrîa Mwathani aamûveere na wa ûrîa Ngai aamwîtire ekariî. Ûguo nîguo mbathanîte makanitharî monthe.

1Akor 7:17 ပူးပေါင်းရင်းမြစ်များ

Mathaayo 19:12

Nî kûrî itûmi ngûrani irîa igiragia andû amwe mavikanie: andû amwe maaciarirwe marî ngaramba, engî nî andû maamatuire ngaramba, nao engî maregaga kûvikania nîûndû wa Ûthamaki wa Ngai. Mûndû ûrîa ûngîvota kwamûkîra kîthomo gîkî, nîakîamûkîre.”

1Akor 10:32

Tûûrani na njîra îtangîtûma kûgîa na thîna kûrî Ayahudi kana Angiriki kana kanitha wa Ngai.

1Akor 11:16

Nwatî ethîrwa mûndû wana ûrîkû nîarenda gûkararia ûndû ûcio, nie ûrîa nguga nî atî, tue wana kana makanitha ma Ngai tûtiîthagîrwa tûrî na mûtugo wîngî vîndî ya kûvoya.

1Akor 11:34

Mûndû wa wonthe mûvûtu, nîambage kûrîa mûciî, nîguo rîrîa tûcemanîtie vamwe Ngai ndagatûtuîre. Rîrîa ngaaûka kûrî mue nîngamwatha ûrîa mûgeeka maûndû mau mengî.

1Akor 14:33

Nîûndû Ngai tî Ngai wa kûvîngîcithania maûndû nwatî nî Ngai wa thayû. Wa ta ûrîa gwîkariî makanitharî monthe ma andû a Ngai,

1Akor 16:1

Rîu nîngwandîka ûvoro wîgiî mbeca irîa irutagwa nîûndû wa andû a Ngai arîa marî Judea. Mue îkagani wata ûrîa nerire makanitha ma Galatia.

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

1Akor 7:18

Ethîrwa Ngai nîwetire mûndû arî mûruu, mûndû ta ûcio ndagîrîrwe nî kûthengutia irema cia ûruu wake. Ethîrwa Ngai nîwetire mûndû atarî mûruu, mûndû ta ûcio ndagîrîrwe nî kûrwithua.

1Akor 7:24

Ariû na aarî a îthe wetû, mûndû wa wonthe nîwagîrîrwe nî gwîkara arî na ngwatanîro na Ngai na ekare wata ûrîa ekariî vîndî îrîa Ngai aamwîtire.

1Akor 7:7

Nwa mende andû onthe mekare ta ûrîa nie mwene mbîkariî, nwatî wa mûndû wa mûndû arî na kîveo mwanya kuuma kûrî Ngai. Ûmwe arî na kîveo Kîam mûthemba ûyû, na wîngî arî na kîveo Kîam mûthemba wîngî.

2Akor 11:28

Na ndakûgweta maûndû mau mengî, wa mûthenya mbîthagîrwa nîrî mûritûvîre meciriarî nîûndû wa makanitha monthe.

2Akor 8:18

Vamwe nake nîtûgûtûma mûrû wa îthe wetû ûrîa mûve gîtîîo mûno makanitharî monthe nîûndû wa wîra wake wa kûvunjia ûvoro ûrîa mwaro.

Agal 1:22

Vîndî îo andû a makanitha ma Judea matiambîcî.

1Ath 2:14

Ariû na aarî a îthe wetû, mathîna marîa mwonire nwa ta marîa moonirwe nî etîkia a Jesû Kristû a makanitha ma Ngai ma Judea. Mwanyaririrwe nî andû enyu wata ûrîa maanyaririrwe nî Ayahudi,

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.