1Akor 7:11 - ÎVUKU RÎA ÛVORO MWARO

¹¹ Nwatî angîtiga mûthuuriwe, nî kava ekare atarî mûviku rîngî kana egucane na mûthuuriwe. Wana nginya mûthuuri ndagîrîrwe nî gûta mûka.

1Akor 7:11 ပူးပေါင်းရင်းမြစ်များ

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Jeremia 3:1

Mûndû mûrûme angîta mûka, na athiî akînagûrwa nî mûndûmûrûme wîngî, mûndû mûrûme ûrîa wamûvikîtie mbere, nwa acokerere mûndûmûka ûcio rîngî? Na kinthî gwîka ûguo tî kûgwatia vûrûri wonthe mûgiro? Nwatî we Isiraeli nî ûvûrîte ûmaraa na anyanya engî, rîu we ûrenda kûnjokerera? Ûguo nîguo Ngai-Mûnene arauga.

Mathaayo 5:32

Nwatî rîu nie nîramwîra atî: mûthuuri wa wonthe ûtecaga mûka, tiga nwanga mûndûmûka ûcio ethîrîtwe atarî mwîvokeku kûrî mûthuuriwe, mûthuuri ûcio nîatûmaga mûndûmûka ûcio atuîke mûtharia ethîrwa nîakûvika rîngî. Nake mûndû wa wonthe ûvikagia mûndûmûka ûcio mûte, nîethagîrwa atharîtie.

Maariko 10:12

Nake mûndûmûka ûrîa ûtecaga mûthuuriwe na akavikua nî mûthuuri wîngî, wa nake nî atharîtie.”

Maariko 10:2

Nao Afarisai amwe nîmaathiîre kûrî ke makîenda kûmûgeria na makîmûûria atîrî, “Watho wetû nîwîtîkîrîtie mûthuuri ate mûka?”

Luka 16:18

“Mûthuuri wa wonthe ûtecaga mûka na akavikia mûndûmûka wîngî nîatharagia. Nake mûthuuri wa wonthe ûvikagia mûndûmûka ûrîa ûtetwe nî mûthuuriwe, nîatharagia.

1Akor 7:10

Nao arîa mavikanîtie nîngûmava watho ûtarî wakwa nie mwene, nwatî nî wa Mwathani: mûndûmûka ndagîrîrwe nî gûtigana na mûthuuriwe.

1Akor 7:12

Nao arîa engî onthe nîramera atîrî, (nie mwene, tî Mwathani): ethîrwa mûthuuri wa wonthe Mûkristiano arî na mûka ûtarî mwîtîkia na nî ekaranagia nake eganîrîte, ndagîrîrwe nî kûmûta.

Gûco 22:19

Nîmagaacoka mamwîtie vaini ya sîlûva îgana rîmwe na manengere îthe wa mwîrîtu ûcio, nîûndû mûndûmûrûme ûcio wamûvikîtie nîaconorithîtie mûndûmûka nthingi Mûisiraeli. Mûndûmûka ûcio nîathiî na mbere gûtuîka mûka na ndakaamûta ûtûûrorî wake wonthe.