1Akor 6:8 - ÎVUKU RÎA ÛVORO MWARO

⁸ Vandû va ûguo mue ene nîmûvîtanagîria na mûgacunana wana nginya mûgacuna Akristiano arîa engî enyu.

1Akor 6:8 ပူးပေါင်းရင်းမြစ်များ

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Mathaayo 20:13

“Nake mwene mûgûnda nîwacokerie ûmwe wao atîrî, ‘Tathikîrîria mûrata wakwa, gûtirî ûndû mûcûku ngwîkîte. We nîwîtîkîre kûruta wîra wa mûthenya mûgima na wetîkîra ûrîvwe dinarii îmwe.

Maariko 10:19

We nîwîcî maathani ma Ngai: ‘Ndûkanaûragane; ndûkanatharanie; ndûkanaîe; ndûkanaigîrîre mûndû kîng'enyo; ndûkanaveenanie; tîîa aguo na nyûkwe.’ ”

Akol 3:25

Na mûndû wa wonthe wîkaga naaî akaagaîrwa kûringana na naaî îrîa ekaga, nîûndû Ngai atucagîra andû onthe ciira atarî na kîmenyano.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.