1Akor 6:14 - ÎVUKU RÎA ÛVORO MWARO

¹⁴ Na njîra ya vinya wake Ngai nîwariûkirie Mwathani, na wa natue nîagaatûriûkia.

1Akor 6:14 ပူးပေါင်းရင်းမြစ်များ

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

Ciîko 2:24

Nwatî Ngai nîwariûkirie Jesû na akîmwovora ûrûrûrî wa gîkuû, nîûndû gûtingîavotekire atûûre ovetwe nîkîo.

Ciîko 2:32

Ngai nîwariûkirie Jesû ûyû na tue tuonthe tûrî aira a ûma ûyû.

Aroma 8:11

Ethîrwa Roho wa Ngai ûrîa wariûkirie Jesû Kristû atûûraga ndaarî yenyu, ûcio wariûkirie Jesû Kristû nî akaava mîîrî îo yenyu îrîa îkuucaga mwoyo. Ageeka guo na njîra ya Roho ûcio wake ûrîa ûtûûraga ndaarî yenyu.

1Akor 15:23

Wa mûndû nîakaariûkua kavinda gake gakinya. Kristû nîke warî wa mbere kûriûkua. Na rîrîa Kristû agaaûka, arîa mamwîtîkîtie nîmakaariûkua.

2Akor 13:4

Nîûndû wana ethîrwa aambirwe mûtharavarî nîûndû wa ûvûthû wa ûmûndû, ke nîatûûraga mwoyo nîûndû wa ûvoti wa Ngai. Tûrî ûrûmwe na Kristû wa natue tûrî avûthû, nwatî tue wa vamwe namue tûgatûûra mwoyo na Kristû nîûndû wa ûvoti wa Ngai.

2Akor 4:14

Nîtwîcî atî Ngai ûrîa wariûkirie Mwathani Jesû nî agaatûriûkia vamwe na Jesû na atwige tûrî vamwe namue mbere yake.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

1Ath 4:14

Nîtwîtîkîtie atî Jesû nîwakwire na akîriûka. Kwoguo nîtwîtîkîtie atî Ngai nî akaarete vamwe na Jesû andû arîa makuîte mamwîtîkîtie.