1Akor 6:13 - ÎVUKU RÎA ÛVORO MWARO

¹³ Mûndû wîngî avota kuga atîrî, “Irio irî vo nîûndû wa îvu, na îvu rîrî vo nîûndû wa irio.” Ûguo nîguo kûrî, nwatî wa cioîrî Ngai nîakaaithiria. Mwîrî ndûrî vo nîûndû wa kûvûra ûmaraa, nwatî ûrî vo nîûndû wa gûtungatîra Mwathani. Na Mwathani nîke ûtûmaga mwîrî wîthîrwe ûrî vo.

1Akor 6:13 ပူးပေါင်းရင်းမြစ်များ

Mathaayo 15:17

Anga mue mûtirî ataûkîre atî kîndû wa kîonthe kîrîa gîtonyaga kanyuarî ka mûndû, kîthiîcaga îvurî na gîgacoka gîkauma?

Mathaayo 15:20

Maûndû mama nîmo matûmaga mûndû agîe na gîko. Nwatî kûrîa irio na njara itarî nthambie gûtitûmaga mûndû agîe na gîko.”

Maariko 7:19

nîûndû gîtitonyaga ngororî yake, nwatî gîtonyaga îvurî rîake na gîgacoka gîkauma. (Na rîrîa Jesû aaugire ûguo, nîwatuire irio cionthe ntheru cia kûrîwa.”)

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Johana 6:49

Methe menyu ma tene maarîre maana werûrî na magîkua.

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Aroma 6:12

Kwoguo mûtikanareke mevia mathamakage mîrirî yenyu îo îkuucaga atî nîguo mwathîkagîre merirîria mayo.

Aroma 7:4

Ariû na aarî a îthe wetû, ûguo nîguo maûndû mekariî wana kûrî mue. Ûvororî wîgiî watho mue wana mue nîmûkuîte nîûndû mûrî kîîga Kîam mwîrî wa Kristû. Na rîu mûrî a ûcio wariûkirue nîguo tûciarîre Ngai maciaro.

1Akor 3:16

Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.

1Akor 6:15

Mue nî mwîcî atî mîîrî yenyu nî ciîga cia mwîrî wa Kristû. Tue nwatûvote kûthengutia ciîga cia mwîrî wa Kristû tûkînaitua ciîga cia mwîrî wa mûmaraa? Ûguo gûtingîvotekeka!

1Akor 6:19

Anga mue mûtiîcî atî mîîrî yenyu nî hekarû ya Roho Mûtheru ûrîa ûrî ndaarî yenyu? Mue nîmwamûkîre Roho Mûtheru kuuma kûrî Ngai. Mûtirî enyu mue ene.

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

2Akor 5:15

Kristû aakwire nîûndû wa andû onthe nîguo andû arîa matûûraga mwoyo matigatûûre mwoyo nîûndû wao o ene, nwatî nîûndû wake ûrîa wakwire na akîriûkua nîûndû wao.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Aefeso 5:23

Nîûndû mûthuuri nîke wathaga mûndûmûka wata ûrîa Kristû arî ke wathaga kanitha. Na Kristû ke mwene nîke Mûvonokia wa Kanitha, ûrîa arî guo mwîrî wake.