1Akor 6:10 - ÎVUKU RÎA ÛVORO MWARO

¹⁰ kana maîaga kana arîa akoroku, kana mîrîu ya njovi, kana arumani wana kana acunani gûtirî mûndû wana ûmwe gatagatîrî ka acio ûkaagaîrwa ûthamaki wa Ngai.

1Akor 6:10 ပူးပေါင်းရင်းမြစ်များ

Nthi 7:27

Nyomba yake nî njîra ya kûthiî kwa arîa akuû, nî njîra ya kûthiî mbîrîrarî.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Jeremia 7:11

Nîkwa hekarû îno îtanîtue na rîîtwa rîakwa, îrî ngurunga ya acunani? Menyani atî nîmenyete ciîko cienyu cionthe.

Ezek 22:13

“Nîmbûrithanîtie njara ciakwa nîrî na marakara nîûndû wa indo irîa ûgîte nacio na njîra îtarî na kîvooto, wana nîûndû wa ûragani ûrîa wîkîtwe mbere yaku.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Ezek 22:29

Andû onthe a vûrûri nîmacunanaga na makaîa na vinya. Nîmanyariraga athîni na ngîa, na makavinyîrîria ageni vatarî kîvooto.

Mathaayo 21:19

Rîrîa oonire mûtî wa mûkûyû mûkîrarî wa njîra, nîwathiîre varî guo nwatî akîona ûtarî na maciaro tiga mathangû matheri. Kwoguo ke nîwawîrire atîrî, “We ndûrî vîndî ûgaaciara ngûû rîngî.” Naguo mûkûyû nîwaûmire wa rîmwe.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 23:33

Mue njoka na ciana cia njoka! Mûkaavota atîa kûûra nîguo mûtikathiî îcuarî!

Johana 12:6

Nwatî Judasi ndaauga ûguo nîûndû atî wa kûrîrîra athîni, nwatî aaugire ûguo nîûndû aarî mwîi. Ke nîke wakuuaga kathandûkû ka mbeca na nîwaîaga mbeca kuuma kathandûkûrî kau.

Ciîko 20:32

“Rîu nie nîramwiga njararî cia Ngai na ûvororî wîgiî wega wake. Wega ûcio wake nwa ûvote kûmûva vinya na wavota gûtûma mûgîe na îgai rîa irathimo irîa Ngai aigîrîte andû onthe ake atheru.

1Akor 15:50

Ariû na aarî a îthe wetû, ûrîa nîrenda kuga nî atî kîrîa kîthondeketwe na mwîrî na nthakame gîtingîvota kûgaa Ûthamaki wa Ngai. Kîrîa nakîo kîoraga gîtingîvota kûgaa kîrîa gîtoraga.

1Akor 5:11

Ûndû ûrîa naugaga nî atî mûtiagîrîrwe nî kûgîa ngwatanîro na mûndû wa wonthe ûrîa wîîtaga mûriû kana mwarî wa îthe wetû na ethîrwe nî mûvûûri ûmaraa, kana nî mûkoroku, kana nî mûvoi mîvuanano kana nî mûrumani, kana nî mûrîu wa njovi, wana kana nî mûcunani. Mue wana nginya mûtikaarîcanagîre na mûndû ta ûcio.

Agal 5:21

Rwetho, ûrîu na gwîka ciîko cia gwîkenia nîûndû wa kûrîwa, na gwîka maûndû mengî ma mîthemba ta îo. Nîngûmûkaania wata ûrîa naamûkanirie wa rîngî, atî andû arîa mekaga maûndû ta mau matikagaa ûthamaki wa Ngai.

Aefeso 4:28

Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

1Pet 4:15

Gatagatîrî kenyu gûtikanonekane mûndû wana ûmwe ûrathînua nîûndû atî ke nî mûûragani, mwîi kana muni watho wana kana atî nîûndû ke nî mûtonyereri wa maûndû ma andû arîa engî.