1Akor 5:6 - ÎVUKU RÎA ÛVORO MWARO

⁶ Mwîtîîo ûcio wenyu tî mwaro! Mue nîkwa mûtaicî atî ndawa nini ya kwimbia mîgate nîimbagia mûtu wonthe ûrîa ûkandîtwe?

1Akor 5:6 ပူးပေါင်းရင်းမြစ်များ

Hosea 7:4

Andû onthe nî itharia na nî aremi; mekariî ta karaî karî rikorî, rîrîa mûrugi atigire kûrûthîra mwaki, nginya arîkie gûkanda mûtu ma mûgate wimbe.

Mathaayo 13:33

Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta ndawa ya kwimbia mîgate îrîa mûndûmûka oocire na akîmîtukania na mûtu wa ngano wa ndeve igîrî, nginya rîrîa waimbire wonthe.”

Luka 13:21

Nie nîngîringithania Ûthamaki wa Ngai na ndawa îrîa imbagia mûtu vîndî îrîa mûndû akûruga mîgate. Mûndûmûka angîoca ndawa îo na amîtukanie na mîkeve îthatû ya mûtu wa ngano, ndawa îo nîimbagia mûtu ûcio wonthe.”

Aroma 6:16

Mue nîmwîcî nama atî vîndî îrîa mwevecana kûrî mûndû ta ngombo nîguo mûmwathîkagîre, na ma mûrî ngombo cia ûcio mwathîkagîra. Nwa kwîthîrwe mûrî ngombo cia mevia marîa maretaga gîkuû, kana wathîki ûrîa ûtûmaga mûndû atuwe mûthingu.

1Akor 15:33

Tigani kûveenua. “Nî ûndû mûcera na mûkûndû akûndûkaga wata guo.”

1Akor 3:21

Kwoguo mûtigetîîe nîûndû wa andû. Maûndû monthe nî menyu.

1Akor 5:2

Na mue nîmwîtîîaga! Vandû va gwîtîîa mwagîrîrwe nî gwîcûrwa nî kîeva na mwîngate mûndû ûcio wîkîte gîîko kîu aume gatagatîrî kenyu.

Agal 5:9

Ndawa nini ya kwimbia mîgate nîimbagia mûtu wonthe ûrîa wîthagîrwa ûkimanîtue nayo.

2Tim 2:17

Mîaro ta îo îrendaga ta kîronda kîrîa gîtavoraga. Andû aîrî arîa maathomithagia maûndû ta mau nî Humenayo na Filetu.

Jakuvu 4:16

Nwatî rîu, mue mûrî etîi na egathi, na mwîgatho ta ûcio wonthe nî mûcûku.