1Akor 5:2 - ÎVUKU RÎA ÛVORO MWARO

² Na mue nîmwîtîîaga! Vandû va gwîtîîa mwagîrîrwe nî gwîcûrwa nî kîeva na mwîngate mûndû ûcio wîkîte gîîko kîu aume gatagatîrî kenyu.

1Akor 5:2 ပူးပေါင်းရင်းမြစ်များ

2Atha 22:19

mûthamaki wa Juda nîareririre na enyivia mbere ya Ngai-Mûnene, na atembûranga nguo ciake. Rîrîa aregwire ûrîa mbugîte nîngwîka kûndû gûkû vamwe na andû arîa matûûraga kuo, na atî vûrûri ûyû nîûtûûra ûrî mûrume na ûrî îganjo. Nie Ngai-Mûnene nîmbîguîte îvoya rîaku,

Thaburi 119:136

Methori manyûrûrûkaga kuuma methorî makwa ta rûnjî, nîûndû andû mativingagia watho waku.

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Ndari 25:6

Mûisiraeli ûmwe nîwocire mûndûmûka ûmwe Mûmidiani na akîmûvira îgemarî rîake. Mûndû ûcio eekire ûguo Musa na andû onthe a Isiraeli makîonaga marî vau mûromorî wa îgema rîa Ngai-Mûnene magîcakaya.

1Akor 4:18

Andû amwe gatagatîrî kenyu nîmambîrîrîtie gwîtîîa nîûndû meciragia atî ndigaûka kûmûcerera rîngî.

1Akor 5:13

Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

2Akor 12:20

Nînîramaka atî rîrîa ngaakinya kûu ngethîra mûrî ngûrani na ûrîa nîngîenda mwîthîrwe mwîkariî, nanie mbîthîrwe nîrî ngûrani na ûrîa mûngîenda mbîthîrwe mbîkariî. Nînîramaka nîûndû gatagatîrî kenyu nwa kwîthîrwe na ngarari, wîru, marakara, wîyendi, kûrumana, ngutû, mwîtîîo na kûrega kwîgucana.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.