1Akor 5:13 - ÎVUKU RÎA ÛVORO MWARO

¹³ Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

1Akor 5:13 ပူးပေါင်းရင်းမြစ်များ

Thaburi 50:6

Îgûrû nîrîanagîrîra ûthingu wa Ngai, atî Ngai ke mwene nîke mûtucanîri ciira.

Mûvunjia 9:18

Ûûgî nî mwaro gûkîra indo cia mbaara, nwatî mûndû ûmwe mwîvia nwa acûkangie maûndû meengî maro.

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

Aroma 2:16

Kwoguo, kûringana na ûvoro mwaro ûrîa mvunjagia ûguo nîguo gûkethîrwa gwîkariî mûthenya ûrîa Ngai na njîra ya Jesû Kristû agaatua ciira wa maûndû ma nthitho marîa marî ngororî cia andû.

1Akor 5:1

Rîu kûrî na ûma atî kûrî na wîvia wa kûmenyana kîîmwîrî ûrerîkana gatagatîrî kenyu. Wîvia ûcio nî wa mûthemba mûcûku mûno wana nginya makîria ya wîvia ûrîa wîkagwa gatagatîrî ka andû arîa mataicî Ngai. Nîmbîrîtwe atî mûndû mûrûme nîaramenyana kîîmwîrî na mûka wa îthe.

1Akor 5:2

Na mue nîmwîtîîaga! Vandû va gwîtîîa mwagîrîrwe nî gwîcûrwa nî kîeva na mwîngate mûndû ûcio wîkîte gîîko kîu aume gatagatîrî kenyu.

1Akor 5:5

nîmwagîrîrwe nî kûnenganagîra mûndû ta ûcio kûrî Caitani nîguo mwîrî wake ûcûkangue, naguo roho wake nîûkaavonokua mûthenya ûcio wa Mwathani.

1Akor 5:7

Kwoguo îrireni mevia menyu marîa mekariî ta ndawa îno ngûrû ya kwimbia nîguo mûtuîke andû acerû viû wata mûtu ûrîa ûkandîtwe ûtarî mwîkîre ndawa ya kwimbia. Na nîmbicî atî ûguo nîguo mwîkariî, nîûndû Kristû nîwarutirwe arî Gatûrûme ga kîgongoona îrugarî rîetû rîa pasaka.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 17:12

Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.

Gûco 17:7

Aira nîo makethagîrwa marî a mbere gwikia mûndû ûcio mathiga, nao andû acio engî onthe marûmîrîre. Ûguo nîguo mûkaathiria ûndû ûcio mûcûku gatagatîrî kenyu.

Gûco 21:21

Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.

Gûco 22:24

oîrî nîmakaavirwa nja ya îtûûra na maûragîrwe vo na mathiga. Mwîrîtu ûcio akaaûragwa nîûndû anyitwa ndaauga mbu atethue, wana ethîrwa aarî îtûûrarî. Nake mûndûmûrûme akaaûragwa nîûndû wa kûmenyana kîîmwîrî na mwîrîtu warî mwîrîre atî nîakûvikua nî mûndû wîngî. Ûguo nîguo mûkaathiria wîvia ûcio gatagatîrî kenyu.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.

Atir 20:13

Tûretereni andû acio aganu marî Gibea nîguo tûmaûrage, na tûthirie ûcûku ûcio gûkû Isiraeli.” Nwatî andû a Benjamini matiathikîrîria ûrîa andû acio engî a Isiraeli maaugaga.