1Akor 4:9 - ÎVUKU RÎA ÛVORO MWARO

⁹ Nwatî nîrona atî Ngai nîatuigîte tue atûmwa tûrî mûthiia viû, wata andû matuîrîrîtwe kûragwa. Twîkariî ta kîrorerwa kûrî nthî yonthe ya araika na ya andû.

1Akor 4:9 ပူးပေါင်းရင်းမြစ်များ

Thaburi 44:22

Nwatî vîndî cionthe tûûragagwa nîûndû waku, tûtucagwa ta ng'ondu cia kûthînjwa.

Thaburi 71:7

Ûtûûro wakwa ûtuîkîte kîonereria varî andû eengî, nîûndû we wî mûgitîri wakwa ûrî vinya.

Jeremia 20:18

Nîndûî gîatûmire njiarwe? Naciarirwe nîguo monage mathîna na kîeva, na njonorithague ûtûûrorî wakwa wonthe?

Ciîko 19:29

Kwoguo kûu îtûûrarî rîu rîonthe nîgwecûrire înegene. Nakîo kîrîndî nîkîanyitire Gaio na Arisitariko, andû aîrî a kuuma Makedonia arîa maathiîcanagia na Paûlo, na makîvinyûra nao nyombarî ya kwonanîrua mîthako.

Ciîko 19:31

Wana nginya atongoria amwe a kuuma Asia arîa maarî arata a Paûlo, nîmaatûmanire ndûmîrîri kûrî ke makîmûthaitha ndagetîkîre kûthiî nyombarî îo ya kwonanîrua mîthako.

Aroma 8:36

Wata ûrîa kwandîkîtwe mandîkorî matheru atîrî, “Tûtûûraga tûûragagwa vîndî cionthe nîûndû waku, tûtucagwa ta ng'ondu cia kûthînjwa.”

1Akor 15:19

Ethîrwa mwîrîgîrîro wetû varî Kristû nî wa ûtûûro ûyû tûrî naguo tu, nîtwagîrîrwe nî kwîguîrwa ntha gûkîra andû onthe arîa marî gûkû nthî.

2Akor 11:23

Nî ndungata cia Kristû? Nie nîraria ta mûndû wa ngoma. Nwatî nîrî ndungata mbaro kûmakîra. Nie nîndutîte wîra mûmû makîria yao. Naanaikua njeera maita meengî kûmakîra, nanarivwa na ivoko mûno kûmakîra na maita meengî nie nanethîrwa nîrî vakuvî gûkua.

2Akor 6:9

Tûtucagwa ta andû matecîwe, nwatî nîtwîcîwe nî andû onthe. Tûtucagwa ta tûrî akuû, nwatî wata ûrîa mue mûrona tue tûrî mwoyo. Wana ethîrwa nîtûverithagua tûtiûragagwa.

1Ath 3:3

nîguo gûtikagîe mûndû wana ûmwe wa cienyu ûgûcoka na vuva nîûndû wa mînyamaaro îno. Mue ene nîmwîcî atî mînyamaaro ta îo nî gîcunjî kîmwe Kîam wendi wa Ngai kûrî tue.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 10:33

Mavinda mamwe nîmwarumagwa na mûgekwa naaî mûrî kîrîndîrî, na mavinda meengî mûkagwatanîra na arîa maathînagua na njîra wata îo.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.