1Akor 4:7 - ÎVUKU RÎA ÛVORO MWARO

⁷ Nû wagûtuire mûnene gûkîra arîa engî? Nîndûî ûrî nakîo ûtaavewa? Na ethîrwa nîkwa waveerwe, wîtîîaga nîkî takwa atarî kûvewa waveerwe?

1Akor 4:7 ပူးပေါင်းရင်းမြစ်များ

Nthi 2:6

Nîûndû Ngai-Mûnene nîke ûvecanaga ûûgî; ûmenyo na ûûgî umaga kûrî ke.

Ezek 29:3

Mwîre nie Ngai-Mûnene Ngai mbugîte atîrî: Nîngûrûa nawe mûthamaki wa Misiri we ndamathia îrîa îmamaga rûnjîrî rwa Nilo. Ugaga atî rûnjî rûu nî rwaku na nîwe watûmire rûgîe.

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Luka 19:13

Mbere ya athiî mûndû ûcio nîwetire ndungata ciake îkûmi na akîva wa îmwe yacio mbeca ya thaavu na agîciîra atîrî, ‘Onjorithiani mbeca ino nginya rîrîa ngaacoka.’

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Johana 3:27

Nake Johana nîwamacokerie atîrî, “Gûtirî mûndû ûngîgîa na kîndû Ngai atamûvete kîo.

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

Aroma 12:6

Tuonthe nîtûtûmîre iveo mwanya mwanya irîa Ngai atûvete ciumanîte na wega wake. Mûndû ûrîa ûrî na kîveo gîa kûvunjia ndûmîrîri ya Ngai nî avunjie kûringana na wîtîkio ûrîa avetwe.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

1Akor 5:6

Mwîtîîo ûcio wenyu tî mwaro! Mue nîkwa mûtaicî atî ndawa nini ya kwimbia mîgate nîimbagia mûtu wonthe ûrîa ûkandîtwe?

1Akor 7:7

Nwa mende andû onthe mekare ta ûrîa nie mwene mbîkariî, nwatî wa mûndû wa mûndû arî na kîveo mwanya kuuma kûrî Ngai. Ûmwe arî na kîveo Kîam mûthemba ûyû, na wîngî arî na kîveo Kîam mûthemba wîngî.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

1Pet 4:10

Wa mûndû nîavetwe kîveo ngûrani nî Ngai nîguo ta mûramati mwaro wa iveo cia Ngai agîtûmagîre gûtungata andû arîa engî. Vûthagîrani waro iveo cia mwanya irîa ciumanîte na wega wa Ngai.