1Akor 4:4 - ÎVUKU RÎA ÛVORO MWARO

⁴ Nie ndiîcî ûndû wana ûmwe mûcûku mbîkîte, nwatî ûguo tî kuga atî nîrî mwagîrîru. Mwathani nîke ûnducagîra.

1Akor 4:4 ပူးပေါင်းရင်းမြစ်များ

Ayubu 15:14

Mûndû nîndûî atî nîguo ethîrwe arî mûtheru? Kûrî mûndû ûciarîtwe nî mûndûmûka ûngîtuîka mûthingu?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Ayubu 27:6

Nîndûûra nîkindîrîtie ûthingurî wakwa na ndigaûtiganîria. Mavinda monthe thamiri yakwa îthagîrwa îrî ntheru.

Ayubu 40:4

“Nie ndirî vata, nîngîgûcokeria atîa, nîngûkunîka kanyua gakwa.

Ayubu 9:20

Wana ethîrwa ndirî na mavîtia, kanyua gakwa nîkanducaga mwîvia; wana ethîrwa ndirî na ûcuke, nîanducaga mwaganu.

Thaburi 130:3

Kethîrwa we Ngai-Mûnene nwa ûririkane mevia metû, nû ûtangîverithua nîwe?

Thaburi 143:2

Ndûkanjirithie nie, ndungata yaku, nîûndû gûtirî mûndû mûthingu mbere yaku.

Thaburi 19:12

Gûtirî mûndû wonaga mevia make ke mwene; ntheria we Ngai-Mûnene kuuma kûrî mavîtia marîa mbîkaga ndakûmenya.

Thaburi 26:12

Nie nûngamîte vandû vagitîre, nîngaakumia Ngai-Mûnene nîrî kîûnganorî kînene Kîam andû ake.

Thaburi 50:6

Îgûrû nîrîanagîrîra ûthingu wa Ngai, atî Ngai ke mwene nîke mûtucanîri ciira.

Nthi 21:2

Mûndû onaga mîthiîre yake yonthe îrî mîagîrîru, nwatî Ngai-Mûnene athimaga ngoro.

Nthi 29:26

Andû eengî nîmeyendithagia kûrî mûthamaki, nwatî mûndû anyitaga kîvooto kuuma kûrî Ngai-Mûnene.

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Ciîko 23:1

Paûlo nîwaroririe athuuri a Kîamma araûkîtie mûno na akiuga atîrî, “Ariû na aarî a îthe wetû, methorî ma Ngai nie nîndûûrîte nîrî na thamiri ntheru nginya mûthenya ûyû wa ûmûnthî.”

Aroma 2:13

Ngai ndatucaga andû athingu nîûndû wa kwîgua watho, nwatî amatucaga athingu nîûndû nîmekaga ûrîa watho uugîte.

Aroma 4:2

Ethîrwa Iburahimu aatuirwe mûthingu nîûndû wa maûndû marîa eekaga, ke nwa agîe na ûndû wa gûtûma etîe. Nwatî ndangîîtîîa arî mbere ya Ngai.

1Akor 4:3

Ûvororî wîgiî gûtuîrwa nîmue kana gûtuîrwa nî îgooti wana rîrîkû ndûmakanagia. Wana nginya nie mwene ndiîtucagîra.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.