1Akor 4:19 - ÎVUKU RÎA ÛVORO MWARO

¹⁹ Nwatî vuva wa kavinda kanini nîngaamûcerera ethîrwa ûcio nîguo wendi wa Mwathani. Kwoguo nîngaamenya vinya ûrîa andû acio marî naguo, nwatî tî ûrîa tu maugaga.

1Akor 4:19 ပူးပေါင်းရင်းမြစ်များ

Ciîko 18:21

Vandû va ûguo, akîmatiga nîwamerire atîrî, “Ngai enda, nie nîngaacoka rîngî kûrî mue.” Nake nîwatwîre meri akiuma kûu Efeso.

Ciîko 19:21

Na rîrîa maûndû mau maarîkirie gwîkîka, Paûlo atongoretue nî Roho nîwatwire îtua atî ke nîakûthiî Jerusalemu avîtûkanîrîrîtie Makedonia na Akaia. Nake nîwaugire atîrî, “Nie narîkia kûthiî Jerusalemu, nîngûcoka kûthiî gûcera Roma.”

Ciîko 20:2

Paûlo nîwaririe maûndû meengî ma kûmîrîria arutwa a kûndû kuonthe kûrîa ke aavîtûkîrîre akîthiî Makedonia. Nake nîwacokire akîthiî Ngiriki,

Aroma 15:32

Kwoguo ethîrwa nî kwenda kwa Ngai, nie nîngaaûka kûrî mue mbîcûrîtwe nî gîkeno na nîngaakenerera kûvurûka vamwe namue.

1Akor 11:34

Mûndû wa wonthe mûvûtu, nîambage kûrîa mûciî, nîguo rîrîa tûcemanîtie vamwe Ngai ndagatûtuîre. Rîrîa ngaaûka kûrî mue nîngamwatha ûrîa mûgeeka maûndû mau mengî.

1Akor 14:5

Nie nwa mende muonthe mwîthagîrwe mûkîaria na nthiomi, nwatî nwa mende mûno makîria mûgîe na kîveo gîa kwanîrîra ndûmîrîri ya Ngai. Andû arîa managîrîra ndûmîrîri ya Ngai methagîrwa marî vata gûkîra arîa maaragia na nthiomi; tiga nwanga vethîrîtwe varî na andû engî mangîvota gûtaûra ûrîa marauga nîguo kanitha yonthe îkîrwe vinya.

1Akor 16:5

Nîmvangîte kûvîtûkîrîra Makedonia, na kwoguo nîngaaûka kûrî mue narîkia kûvîtûkîrîra kuo.

1Akor 16:7

Ndikwenda kûmwona rîu mvîtûkîte, nîûndû nîrevoka gûgeekarania namue kavinda karaca, ethîrwa Mwathani nîagaatwîtîkîria.

1Akor 2:6

Kûnarî ûguo kûrî arîa marî na ûgima wa kîîroho, mbaragia maûndû ma ûûgî. Nwatî tî ûûgî ûrîa umîte gûkû nthî kana kûrî anene a gûkû nthî arîa marathira.

1Akor 4:18

Andû amwe gatagatîrî kenyu nîmambîrîrîtie gwîtîîa nîûndû meciragia atî ndigaûka kûmûcerera rîngî.

1Akor 4:6

Ariû na aarî a îthe wetû, nie nînîîtûmîrîte na ngatûmîra Apolo tûrî ta ngerekano nîguo mue mûvote kûthoma kuumana natue maûndû marîa maugîte atîrî, “Rûmagîrîrani maûndû marîa mandîke.” Gûtirî mûndû wana ûmwe gatagatîrî kenyu wagîrîrwe nî gwîtîîa na ûndû wa kwenda mûndû ûmwe na kûmenereria ûrîa wîngî?

2Akor 1:23

Nie nîreta Ngai mûira wakwa: nîaicî ngoro yakwa! Nînaaregire kûthiî Korinitho rîngî nîguo ndigatûme mûgîe na mathîna meengî.

2Akor 10:9

Ndirenda monekane takwa nîrenda kûmûmakia na maarûa ciakwa.

Ahib 6:3

Na nîtûgwîka ûguo ethîrwa Ngai nîagûtwîtîkîria.

Jakuvu 4:15

Kwoguo ûrîa mwagîrîrwe nî kuga nî atîrî, “Ethîrwa Mwathani nîakwenda, nîtûgûtûûra na twîke ûû kana ûû.”