1Akor 4:17 - ÎVUKU RÎA ÛVORO MWARO

¹⁷ Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

1Akor 4:17 ပူးပေါင်းရင်းမြစ်များ

Nthi 13:17

Mûnjaama mûcûku atûmaga andû matonye thînarî, nwatî mûnjaama mwîvokeku nîatûmaga kûgîe na thayû.

Ndari 12:7

Nwatî ûguo tîguo mbaragia na ndungata yakwa Musa. Nîke nîîvokerete andû akwa onthe a Isiraeli.

Mathaayo 24:45

“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru.

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 25:23

Nake mwathi wayo nîwamîrire atîrî, ‘Nîwîkîte waro. We wî ndungata mbaro na îîvokekete. Nîwîvokekete na tûindo tûnini. Nîngûgûtua mûmenyereri wa indo nyîngî. Tonya tûkenanîre vamwe!’

Ciîko 16:1

Nake Paûlo nîwathiîre Deribe na agîcoka akîthiî Listra, kûrîa Mûkristiano ûmwe wetagwa Timotheo aatûûraga. Ng'ina, ûrîa wa nake warî Mûkristiano, aarî Mûyahudi, nwatî îthe aarî Mûngiriki.

1Akor 11:16

Nwatî ethîrwa mûndû wana ûrîkû nîarenda gûkararia ûndû ûcio, nie ûrîa nguga nî atî, tue wana kana makanitha ma Ngai tûtiîthagîrwa tûrî na mûtugo wîngî vîndî ya kûvoya.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

1Akor 11:34

Mûndû wa wonthe mûvûtu, nîambage kûrîa mûciî, nîguo rîrîa tûcemanîtie vamwe Ngai ndagatûtuîre. Rîrîa ngaaûka kûrî mue nîngamwatha ûrîa mûgeeka maûndû mau mengî.

1Akor 14:33

Nîûndû Ngai tî Ngai wa kûvîngîcithania maûndû nwatî nî Ngai wa thayû. Wa ta ûrîa gwîkariî makanitharî monthe ma andû a Ngai,

1Akor 16:1

Rîu nîngwandîka ûvoro wîgiî mbeca irîa irutagwa nîûndû wa andû a Ngai arîa marî Judea. Mue îkagani wata ûrîa nerire makanitha ma Galatia.

1Akor 16:10

Timotheo aûka kûrî mue, geriani kwona atî nîwekarania namue atarî na guoya nîûndû araruta wîra wa Mwathani wata ûrîa ndutaga.

1Akor 4:14

Ndirandîka maûndû mama nîguo nîmûconorithie. Nwatî nîramandîka nîguo nîmûtaare takwa mûrî ciana ciakwa irîa mendete.

1Akor 4:15

Nîûndû wana ethîrwa mûrî na arimû matangîtarîka mûtûûrîrerî wenyu wa Ûkristiano, mûrî na îthe ûmwe tu. Na nîûndû wa kwîthîrwa mûrî na ûrûmwe na Jesû Kristû, nînatuîkire îthe wenyu na njîra ya kûmûkinyîria Ûvoro Mwaro.

1Akor 4:2

Makîria ya ûguo, ndungata ciagîrîrwe nîkwîthîrwa ciîvokekete kûrî Mwathi wacio.

1Akor 7:17

Mûndû wa wonthe gatagatîrî kenyu agîrîrwe nî gwîkara kûringana na wîra ûrîa Mwathani aamûveere na wa ûrîa Ngai aamwîtire ekariî. Ûguo nîguo mbathanîte makanitharî monthe.

1Akor 7:25

Ûvoro wîgiî arîa matavikanîtie, nie ndirî na rîathani kuuma kûrî Mwathani, nwatî nî woni wakwa nîravecana nîûndû nînduîkîte mûndû mwîvokeku nîûndû wa ntha cia Mwathani.

2Akor 8:18

Vamwe nake nîtûgûtûma mûrû wa îthe wetû ûrîa mûve gîtîîo mûno makanitharî monthe nîûndû wa wîra wake wa kûvunjia ûvoro ûrîa mwaro.

Aefeso 6:21

Tukiko, mûrû wa îthe wetû ûrîa twendete mûno na mûtungatîri mwîvokeku wîrarî wa Mwathani, nîke ûkaamwîra maûndû monthe nîguo mûmenye ûrîa mbîkariî na ûrîa nîreka.

Afil 2:19

Ethîrwa nî kwenda kwa Mwathani, nîrerîgîrîra atî nîngûvota gûtûma Timotheo kûrî mue kavinda gatarî karaca, nîguo anyûmagîrîrie na ndûmîrîri kuuma kûrî mue.

Afil 2:22

Mue nîmwîcî ûrîa Timotheo onanîtie atî ke nî mwagîrîru, nîûndû twîthîrîtwe tûkîrutithania wîra nake wa kûvunjia ûvoro Mwaro. Twîthîrîtwe tûkîrutithania wîra ûcio ta Mûriû na îthe.

Akol 1:7

Mwathomire ûvoro wîgiî wega wa Ngai kuuma kûrî Epafara, ndungata îrîa twendete na tûrutithanagia wîra nayo. Ke ethagîrwa arî mwîvokeku rîrîa araruta wîra wa Kristû vandûrî vetû.

Akol 4:9

Nîmaûka marî na mûrû wa îthe wetû Onesimo, ûrîa twendete na twîvokete na umîte kûu kwenyu. Nîmakûmwîra maûndû monthe marîa marekîka gûkû.

1Tim 1:18

Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.

1Tim 1:2

nîrandîka maarûa îno kûrî we Timotheo mwana wakwa wa ma wîtîkiorî: ûrogîa na wega, ntha na thayû kuuma kûrî Ngai îthe na kûrî Mwathani wetû Jesû Kristû.

2Tim 1:2

Kûrî Timotheo mwana wakwa mendete. Wega, ntha na thayû kuuma kûrî Ngai îthe wetû, na Mwathani wetû Jesû Kristû irogîa nawe.

2Tim 2:2

Maûndû marîa weguire ngîaria nîrî mbere ya aira eengî mathomithie andû arîa evokeku, nîguo nao mathomithie andû arîa engî.

2Tim 3:10

Nwatî we nîûrûmîrîrîte maûndû marîa nthomithagia, mîtugo yakwa, mworoto wakwa, wîtîkio wakwa, gûkirîrîria gwakwa, wendo wakwa, wetereri wakwa na kûmîrîria gwakwa.

Tito 1:5

Tito, nie naagûtigire Kirete nîguo ûthondeke maûndû marîa maarî mavîtanu, na wa îtûûra, ûthuure athuuri a kanitha. Ririkana ûrîa naakwathire atî:

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.