1Akor 4:15 - ÎVUKU RÎA ÛVORO MWARO

¹⁵ Nîûndû wana ethîrwa mûrî na arimû matangîtarîka mûtûûrîrerî wenyu wa Ûkristiano, mûrî na îthe ûmwe tu. Na nîûndû wa kwîthîrwa mûrî na ûrûmwe na Jesû Kristû, nînatuîkire îthe wenyu na njîra ya kûmûkinyîria Ûvoro Mwaro.

1Akor 4:15 ပူးပေါင်းရင်းမြစ်များ

Ndari 11:12

Tînie naûmbire andû aya kana ngîmaciara! Nîndûî gîatûmire ûndua ta ng'ina wao nîmakuuage ta tûkenge nîmavire vûrûri ûrîa werîre methe mao ma tene na mwîvîtwa atî nîûkaamava?

Aroma 15:20

Vîndî cionthe mbîthîrîtwe ngîrirîria kûvunjia Ûvoro Mwaro kûrî andû arîa mataanegua ûvoro wîgiî Kristû, nîguo ndigatuîke ta mûndû ûtumaga îgûrû rîa mûcingi ûrîa wînjîtwe nî mûndû wîngî.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

1Akor 15:1

Rîu ariû na aarî a îthe wetû, nîrenda kûmûririkania Ûvoro Mwaro ûrîa naamûvunjîrie. Nîmwawamûkîre na nîmûwîtîkîtie mwîkindîrîtie.

1Akor 3:10

Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.

1Akor 3:6

Nie nînavandire mbegû, Apolo nîwetîrîrie mîmera manjî, nwatî Ngai nîke wamîvotithirie gûkûra.

1Akor 3:8

Vatirî ngûrani gatagatî ka mûndû ûrîa ûvandaga na ûrîa wîtagîrîria manjî, na Ngai akaarîva mûndû mûcara kûringana na wîra ûrîa ke mwene arutîte.

1Akor 9:12

Ethîrwa andû arîa engî marî na kîvooto gîa kûvewa nîmue indo cienyu cia gûkû nthî, na kinthî tue tûtirî na kîvooto kînene makîria? Nwatî tûtianatûmîra kîvooto gîkî. Vandû va ûguo, nîtûûmagîrîria maûndû monthe nîguo tûtigeke ûndû wana ûmwe ûngîgiria andû mavunjie Ûvoro Mwaro wîgiî Kristû.

1Akor 9:14

Na njîra wata îo, Mwathani nîwathanire akiuga arîa mavunjagia ûvoro mwaro metethagie ûtûûrorî wao na kîrîa kiumanîte na wîra ûcio marutaga.

1Akor 9:16

Gûtuîka atî nîmvunjagia ûvoro mwaro tîkuo gûtûmaga nîtîîe, nîûndû ûguo nîguo mbathîtwe mbîke na nîûndû mûcûku mûno nîngîrega kûvunjia Ûvoro mwaro.

1Akor 9:18

Mûcara wakwa nî ûrîkû vi? Mûcara wakwa nî ûyû: atî vîndî îrîa nîravunjia Ûvoro Mwaro, mbîkage guo ndakûrîvia na ndagûtûmîra ivooto ciakwa wîrarî wakwa wa kûvunjia ûvoro mwaro.

1Akor 9:23

Mbîkaga maûndû mama monthe nîûndû wa ûvoro mwaro, nîguo wa nanie ngaagaîrwa irathimo irîa ciumanaga naguo.

2Akor 4:5

Nîûndû tûtivunjagia ûvoro wetû tue ene, tûvunjagia Jesû Kristû nî Mwathani. Natue tûrî ndungata cienyu nîûndû wa Jesû.

Agal 3:24

Kwoguo twarî rungu rwa watho nginya rîrîa Kristû aaûkire. Aaûkire nîguo tûcoke tûtuwe athingu mbere ya Ngai na njîra ya wîtîkio.

Agal 3:25

Na rîu nîûndû nî vîndî ya gwîtîkia, tûtirî rungu rwa watho.

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

2Tim 4:3

Mavinda nîmagaûka rîrîa andû makaarega kûthomithua maûndû marîa magîrîrîte. Nwatî nîmakeyûnganîria arimû ao kûringana na merirîria mao. Arimû acio nîmakaamakenia, nîûndû makaaragia maûndû marîa matû mao mendete kwîgua.

Tito 1:4

Kûrî Tito, mwana wakwa wa ma wîtîkiorî ûrîa tûgwatanîrîte. Ûrogîa na wega na thayû kuuma kûrî Ngai Vava na kuuma kûrî Jesû Kristû mûvonokia wetû.

File 1:19

Nie Paûlo nandîka ava na njara ciakwa atî: Nie Paûlo nînie ngaakûrîva. (Nî ma ndîagîrîrwe nî kûgweta atî wa nawe we mwene wî thirî yakwa.)

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

1Pet 1:23

Nîûndû na njîra ya kiugo Kîam Ngai kîrîa kîrî mwoyo nîmûciarîtwe rîngî ta ciana cia mûciari ûrîa ûtakucaga, nwatî atûûraga tene na tene.