1Akor 3:9 - ÎVUKU RÎA ÛVORO MWARO

⁹ Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

1Akor 3:9 ပူးပေါင်းရင်းမြစ်များ

Thaburi 118:22

Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.

Thaburi 72:16

Vûrûrirî kûrogîa na irio nyîngî; irîmarî kûrogîa na irio nyîngî, ta irîa ikûraga Lebanoni. Nao andû maroîcûra matûûrarî, ta nyaki îrî mûgûndarî.

Nthi 9:1

Ûûgî nîatumîte nyomba yake, ke nîetûmîrîte itugî mûgwanja.

Isaia 32:20

Gûkena nî mue arîa mûvandaga mbegû cienyu ndeererî cia manjî, ng'ombe na mvunda cienyu ikerîthagia kûndû kuonthe itagwîtigîra.

Isaia 61:11

Nîûndû wata ûrîa mûthetu ûtûmaga mbegû îmere, na wata ûrîa mûgûnda ûtûmaga kîrîa kîvande kuo gîkûre, ûguo nwaguo Mwathani Ngai-Mûnene agaatûma ûthingu na ûkumio, cionekane ndûrîrîrî cionthe.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Isaia 61:5

Ageni nîo makaamûrîthagîria ndîthia cienyu, nîo makaamûrîmagîra mîgûnda yenyu, na mamenyagîrîre mîgûnda yenyu ya mîthavibu.

Jeremia 2:21

Nwatî nînakûvandire ta mûthavibu mûthuure mbegû mbaro kuuma mûthavibu ûrîa mwaro. Nî ndûî gîtûmîte ûgarûrûke ûtuîke ta kîndû gîcûku, kana ta mûthavibu wa kîthakarî?

Mathaayo 15:13

Nake Jesû nîwamacokerie atîrî, “Mûtî wa wonthe ûtavandîtwe nî Vava ûrîa ûrî îgûrû nîûgakûûrwa.

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Mathaayo 9:37

Nake Jesû nîwacokire akîîra arutwa ake atîrî, “Maketha nî meengî nwatî aruti wîra nî anini.

Maariko 16:20

Nao arutwa nîmaathiîre na makîvunjia ûvoro mwaro kûndû kuonthe. Nake Mwathani nîwethagîrwa arî vamwe nao na agekagîra ndûmîrîri yao vinya na njîra ya ciama irîa ciaringagwa.] [

Ciîko 4:11

Jesû nîke mandîko matheru maugaga atîrî; ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.’

1Akor 3:16

Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.

1Akor 3:6

Nie nînavandire mbegû, Apolo nîwetîrîrie mîmera manjî, nwatî Ngai nîke wamîvotithirie gûkûra.

1Akor 6:19

Anga mue mûtiîcî atî mîîrî yenyu nî hekarû ya Roho Mûtheru ûrîa ûrî ndaarî yenyu? Mue nîmwamûkîre Roho Mûtheru kuuma kûrî Ngai. Mûtirî enyu mue ene.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Akol 2:7

Tûûragani mwîvandîte ndaarî yake na ûtûûro wenyu ûtumîtwe îgûrû rîake. Îthagîrwani mûrî na vinya wîtîkiorî wenyu wata ûrîa mwathomithirue mwîcûrîtwe nî ngatho.

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

3Joh 1:8

Kwoguo tue akristiano nîtwagîrîrwe nî gûtethia andû aya, nîguo twîthîrwe tûrî aruti wîra vamwe nao ûvororî ûrîa wa ma.