1Akor 3:8 - ÎVUKU RÎA ÛVORO MWARO

⁸ Vatirî ngûrani gatagatî ka mûndû ûrîa ûvandaga na ûrîa wîtagîrîria manjî, na Ngai akaarîva mûndû mûcara kûringana na wîra ûrîa ke mwene arutîte.

1Akor 3:8 ပူးပေါင်းရင်းမြစ်များ

Thaburi 62:12

na atî wendo wake ndûthiraga, na arîvaga mûndû kûringana na ciîko ciake.

Nthi 27:18

Mûndû ûrîa ûmenyagîrîra mûtî wa mûkûyû nîarîcaga matunda ma guo, nake mûndû ûrîa ûgitagîra mwathi wake nîakaavewa gîtîîo.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Luka 19:19

Nake mûnene ûcio nîwamîrire atîrî, ‘Rîu ûkaathanaga matûûrarî matano.’

Aroma 2:6

Nîûndû Ngai nîakaarîva wa mûndû kûringana na ciîko ciake.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

1Akor 3:14

Ethîrwa kîrîa gîatumirwe îgûrû rîa mûcingi ûcio gîtikaavîa, mûtumi wakîo nîakaamûkîra kîveo.

1Akor 3:7

Kwoguo mûndû ûrîa ûvandaga wana ûrîa wîtagîrîria manjî ndarî vata. Ngai tu nîke ûrî vata nîûndû nîke ûtumaga indo ikûre.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

1Akor 4:15

Nîûndû wana ethîrwa mûrî na arimû matangîtarîka mûtûûrîrerî wenyu wa Ûkristiano, mûrî na îthe ûmwe tu. Na nîûndû wa kwîthîrwa mûrî na ûrûmwe na Jesû Kristû, nînatuîkire îthe wenyu na njîra ya kûmûkinyîria Ûvoro Mwaro.

1Akor 9:7

Nî mûthigari ûrîkû ûrîvaga matûmîri make ke mwene vîndî îrîa arî mbaararî? Nî mûrîmi ûrîkû ûtarîcaga matunda marîa maumaga mûgûndarî wake wa mîthavibu? Nî mûrîthi ûrîkû ûtanyunyaga îriia kuuma ndîthiarî yake?

Agal 6:4

Wa mûndû nîatuîrie wîra wake ke mwene. Wethîrwa wî mwaro, mûndû nwa etîe nîûndû wa wîra ûrîa arutîte atakûûringithania na wîra wa mûndû ûrîa wîngî.

Agal 6:5

Nîûndû nwa nginya mûndû akuue mûrigo wake ke mwene.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.

2Joh 1:8

Îîmenyerereni nîguo mûtigate kîrîa kîonthe mûrutîrîte wîra, nwatî mûkaagwata mûcara wenyu wonthe.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Kûguû 22:12

Nake Jesû arauga atîrî, “Tathikîrîriani, nîmbûka warîu! Nie nîmbûka na iveo ciakwa nîguo mve wa mûndû kûringana na ûrîa ekîte.