1Akor 3:21 - ÎVUKU RÎA ÛVORO MWARO

²¹ Kwoguo mûtigetîîe nîûndû wa andû. Maûndû monthe nî menyu.

1Akor 3:21 ပူးပေါင်းရင်းမြစ်များ

Isaia 20:5

Kwoguo arîa onthe mevokete Ethiopia na metîîaga nîûndû wa Misiri nîmakaamaka na maconoke.

Aroma 4:13

Rîrîa Ngai eerîre Iburahimu na njiarwa ciake atî nthî yonthe îkeethîrwa îrî yake, ekire ûguo nîûndû Iburahimu nîwetîkirie na agîtuwa mûthingu nî Ngai, nwatî tî nîûndû nîwathîkagîra Watho.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

1Akor 4:6

Ariû na aarî a îthe wetû, nie nînîîtûmîrîte na ngatûmîra Apolo tûrî ta ngerekano nîguo mue mûvote kûthoma kuumana natue maûndû marîa maugîte atîrî, “Rûmagîrîrani maûndû marîa mandîke.” Gûtirî mûndû wana ûmwe gatagatîrî kenyu wagîrîrwe nî gwîtîîa na ûndû wa kwenda mûndû ûmwe na kûmenereria ûrîa wîngî?

2Akor 4:15

Maûndû mama monthe meekirwe nîûndû wenyu. Wata ûrîa wega wa Ngai ûgûkinyîra andû eengî makîria, nwaguo andû acio magaacokagia ngatho kûrî Ngai makîmûgoocaga.

2Akor 4:5

Nîûndû tûtivunjagia ûvoro wetû tue ene, tûvunjagia Jesû Kristû nî Mwathani. Natue tûrî ndungata cienyu nîûndû wa Jesû.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

Kûguû 21:7

Mûndû wa wonthe ûkavootana nîakaamûkîra maûndû mama kuuma kûrî nie. Nie nîngaatuîka Ngai wake, nake atuîke mwana wakwa.