1Akor 3:17 - ÎVUKU RÎA ÛVORO MWARO

¹⁷ Kwoguo mûndû wa wonthe angîcûkangia hekarû ya Ngai, Ngai nîakaamûcûkangia. Hekarû ya Ngai nî ntheru na mue ene nîmue hekarû yake.

1Akor 3:17 ပူးပေါင်းရင်းမြစ်များ

Kîam 28:17

Jakovu nîwegwire guoya na akiuga atîrî, “Kaî kûndû gûkû nîgwakûmakania-î! Nwanginya îno îthîrwe nî nyomba ya Ngai, na nî kîvingo gîa gûtonya îgûrû.”

1Maû 29:3

Kuuma mûthithûrî wakwa nie mwene nîmvecanîte thaavu na sîlûva nîûndû wa wendo ûrîa nîrî naguo wa hekarû ya Ngai wakwa.

Thaburi 74:3

Vîtûkîrîra kûrîa kwomomorirwe viû; nthû ciacûkangirie indo cionthe irîa ciarî hekarûrî.

Thaburi 79:1

We Ngai, andû a ndûrîrî nîmatharîkîrîte vûrûri waku, nîmagwatîtie hekarû yaku ntheru mûgiro na nî momorete îtûûra rîa Jerusalemu.

Thaburi 93:5

We Ngai-Mûnene, mawatho maku matûûraga tene na tene, Hekarû yaku îtûûraga îrî ntheru tene na tene.

Thaburi 99:9

Kumiani Ngai-Mûnene Ngai wetû, mûgooceni mûrî kîrîmarî gîake kîtheru! Nîûndû Ngai-Mûnene Ngai wetû nî mûtheru!

Ntha 3:5

Nake Ngai-Mûnene nîwamwîrire atîrî, “Ndûgaûke vakuvî makîria. Ruta iratû nîûndû ûrûngamîte vandû vatheru.

Isaia 64:11

Nyomba yetû îrîa ntheru na nthaka, kûrîa methe metû maagûkumagîria, nîîvîvîtue na mwaki îkavîa viû. Nakuo kûndû gwetû kuonthe kûrîa kwarî kûthaka gûtigîtwe kwanangîkîte.

Ezek 43:12

Ûyû nîguo watho wa hekarû: kûndû kûrîa kuonthe kûmîthiûrûrûkîrîtie kûu kîrîmarî îgûrû nwanginya kwîthîrwe kûrî kwamûre na kûtheru.”

Ezek 5:11

“Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Ezek 7:22

Nîngaamatiganîria nîguo magwatie vandû vakwa varîa vatheru mûgiro, nao acunani matonye kuo na mavagwatie mûgiro.

Alawi 15:31

“Ngai-Mûnene nîwerire Musa akaanie andû a Isiraeli gûkuvîvîria îgema rîa Ngai-Mûnene rîrîa rîarî gatagatîrî kao vîndî îrîa matarî atheru, nîûndû meka ûguo nîmagaakua nîûndû wa kûgwatia îgema rîa Ngai-Mûnene gîko.”

Alawi 20:3

Mûndû ûrîa ûkaavaka îgema rîakwa rîtheru mûgiro na aconorithie rîîtwa rîakwa rîtheru na njîra ya kûvecana wanarî ûmwe wa ciana ciake kûrî Moleku, nîngaamûverithia na nîmwamûranie na andû akwa.

Zefania 3:4

Arathi akuo nî andû matangîîvokwa na marî maveeni. Athînjîri-Ngai nîmavakîte vandû va kûgoocerwa gîko, na makagarûra watho wa Ngai nîguo wîgucane na ûrîa makwenda.

Ndari 19:20

Mûndû ûrîa wîthagîrwa atarî mûtheru na akarega kwîtheria, mûndû ûcio akaathengutagua kûrî andû a Ngai-Mûnene nîûndû nîagwatîtie îgema rîa Ngai-Mûnene gîko nîûndû tî mûminjîrie manjî ma kwîtheria.

1Akor 3:16

Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.

1Akor 3:18

Mûndû wana ûrîkû ndakeveenie. Ethîrwa nîkûrî na mûndû wana ûmwe gatagatîrî kenyu wîciragia atî ke nî mûûgî arî gûkû nthî îno, nîwagîrîrwe nîgwîtua kîrimû nîguo atuîke mûûgî na ma.