1Akor 3:16 - ÎVUKU RÎA ÛVORO MWARO

¹⁶ Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.

1Akor 3:16 ပူးပေါင်းရင်းမြစ်များ

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Aroma 6:16

Mue nîmwîcî nama atî vîndî îrîa mwevecana kûrî mûndû ta ngombo nîguo mûmwathîkagîre, na ma mûrî ngombo cia ûcio mwathîkagîra. Nwa kwîthîrwe mûrî ngombo cia mevia marîa maretaga gîkuû, kana wathîki ûrîa ûtûmaga mûndû atuwe mûthingu.

Aroma 6:3

Nîmwîcî nama atî rîrîa twavatithirue tûgîtuîka kîndû kîmwe na Kristû twavatithirue na tûgîtuîka kîndû kîmwe gîkuûrî gîake.

Aroma 8:11

Ethîrwa Roho wa Ngai ûrîa wariûkirie Jesû Kristû atûûraga ndaarî yenyu, ûcio wariûkirie Jesû Kristû nî akaava mîîrî îo yenyu îrîa îkuucaga mwoyo. Ageeka guo na njîra ya Roho ûcio wake ûrîa ûtûûraga ndaarî yenyu.

Aroma 8:9

Nwatî mue mûtiathagwa nî mîîrî yenyu mwathagwa nî Roho, ethîrwa nama Roho wa Ngai atûûraga ndaarî yenyu. Mûndû wa wonthe wîthagîrwa atarî na Roho wa Kristû ûcio tî wake.

1Akor 3:17

Kwoguo mûndû wa wonthe angîcûkangia hekarû ya Ngai, Ngai nîakaamûcûkangia. Hekarû ya Ngai nî ntheru na mue ene nîmue hekarû yake.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

1Akor 5:6

Mwîtîîo ûcio wenyu tî mwaro! Mue nîkwa mûtaicî atî ndawa nini ya kwimbia mîgate nîimbagia mûtu wonthe ûrîa ûkandîtwe?

1Akor 6:16

Mandîkorî matheru nîkwandîkîtwe atîrî, “Aîrî nîmagaatuîka mwîrî ûmwe.” Kwoguo mue mwagîrîrwe nî kûmenya atî mûndû wa wonthe ûmenyanaga kîîmwîrî na mûmaraa nîatuîkaga ûmwe nake kîîmwîrî.

1Akor 6:19

Anga mue mûtiîcî atî mîîrî yenyu nî hekarû ya Roho Mûtheru ûrîa ûrî ndaarî yenyu? Mue nîmwamûkîre Roho Mûtheru kuuma kûrî Ngai. Mûtirî enyu mue ene.

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

1Akor 9:13

Na ma mue nîmwicî atî arîa marutaga wîra hekarûrî marîcaga kîrîa kiumanîte na hekarû nao arîa marutaga magongoona metharî ya kîgongoona, marîcaga kîrîa kiumanîte na magongoona mau?

1Akor 9:24

Nie nîrî na ma nîmwîcî atî avinyûri eengî marî îvenyarî makîvinyûra nî ûmwe tu gatagatîrî kao wamûkagîra kîveo. Kwoguo vinyûrani nîguo wa namue mûkaamûkîra kîveo.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

2Tim 1:14

Gitagîra ûvoro wa ma ûrîa wîvokeretwe ûvotithîtue nî Roho Mûtheru ûrîa ûtûûraga ndaarî yaku.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

1Joh 4:12

Gûtirî mûndû wanona Ngai, nwatî tûngîendana Ngai agatûûraga ndaarî yetû naguo wendo wake ûkethagîrwa ûrî mûkinyanîru ndaarî yetû.