1Akor 3:12 - ÎVUKU RÎA ÛVORO MWARO

¹² Andû amwe magaatuma îgûrû rîa mûcingi ûcio na thaavu kana sîlûva kana mathiga ma goro; engî nao magaatuma na mbaû kana nyaki kana mîvavîa.

1Akor 3:12 ပူးပေါင်းရင်းမြစ်များ

Thaburi 119:72

Watho ûrîa wamvere, kûrî nie nî mwaro mûno gûkîra thaavu na sîlûva cionthe.

Thaburi 19:10

Nî makwendeka mûno gûkîra thaavu ntheri, marî mûrîo gûkîra ûûkî ûrîa mûtheru mûno.

Ntha 5:12

Kwoguo andû a Isiraeli nîmaathiûrûrûkire Misiri kuonthe magîcaragia rûûa.

Nthi 16:16

Kûgîa na ûûgî nî waro gûkîra kûgîa na thaavu, nîkava kûthuura ûtaûku gûkîra sîlûva.

Nthi 30:6

Ndûkongerere ûndû kûrî ûndû ûrîa augîte, nîguo ndagagûkaanie na wonekane ûrarîtie maveeni.

Nthi 8:10

Îîthuurîreni kîrîra gîakwa îthenya rîa sîlûva, na mwîthuurîre ûmenyo îthenya rîa thaavu ntheri.

Isaia 60:17

“Vandû va gîcango ngaakûretere thaavu, vandû va cuuma ngûretere sîlûva, vandû va mîtî ngûretere gîcango, na vandû va mathiga ngûretere cuuma. Nîngaatûma wathagwe na thayû, na ûtucagîrwe na kîvooto.

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Ciîko 20:30

Wana nginya gatagatîrî kenyu nîgûkaumîra andû amwe makaaragia maveeni makîgeria kûgucîrîria arutwa nîguo mamarûmîrîre.

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.

1Akor 3:11

Gûtirî mûcingi wîngî mûndû angîvota gûtuma tiga ûrîa ûtumîtwe nî Ngai na nîguo Jesû Kristû.

1Akor 3:13

Na wîra wa mûndû wa mûndû nîûkoonekana vîndî îrîa ûkaaguûrua mûthenya wa Kristû. Wîra wa mûndû nîûkaamenyekana nîûndû nîûkaagerua na mwaki nîguo kûmenyekane waro ûrîa wîra ûcio wîkariî.

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

1Tim 6:3

Mûndû wa wonthe ûthomithagia ûndû mûgeni na ûndû ûtakwîgucana na ndûmîrîri ya ma ya Mwathani wetû Jesû Kristû, na maûndû marîa mathomithanagua nî ndini yetû,

2Tim 2:20

Nyombarî îrîa nene nîkwîthagîrwa kûrî na indo cia thaavu, na cia sîlûva, wana ciîngî cia mîtî na cia yûmba. Indo imwe cia icio îtûmagîrwa rîrîa kûrî na ûndû mûnene, nacio irîa ciîngî rîrîa gûtarî na ûndû mûnene.

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

2Tim 3:7

Aka aya nîmageragia kûthoma maûndû nwatî matingîmenya ûma.

2Tim 4:3

Mavinda nîmagaûka rîrîa andû makaarega kûthomithua maûndû marîa magîrîrîte. Nwatî nîmakeyûnganîria arimû ao kûringana na merirîria mao. Arimû acio nîmakaamakenia, nîûndû makaaragia maûndû marîa matû mao mendete kwîgua.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

Kûguû 2:14

Nwatî nîrî na maûndû manini ngûmûcukîra: atî kûrî andû amwe gatagatîrî kenyu marûmagîrîra maûndû marîa Balaamu aathomithanagia. Balaamu ûcio nîke wathomithirie Balaki ûrîa agûtûma andû a Isiraeli mevie na njîra ya kûrîa irio irîa ciarutîrîtwe mîvuanano na mevia na ciîko cia ûmaraa.

Kûguû 21:18

Rûthingo rwathondeketwe na mathiga ma goro ma rangi njerû. Na kîndû kîonthe Kîamrî îtûûrarî rîu Kîamthondeketwe na thaavu na yarî ntheru ta gîcicio.

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.